Keçid linkləri

Təcili xəbərlər
2019, 26 İyun, çərşənbə, Bakı vaxtı 21:48

Putin: 'Moldovada hakimiyyəti oliqarxlar qəsb edib'


Igor Dodon

Rusiya Prezidenti Vladimir Putin Moldovanın rusiyapərəst prezidenti Igor Dodon-u dəstəkləməkdən əl çəkməyəcəklərini deyir.

Hazırda Kişinauda iki rəqib hökumət özünü legitim sayır.

Fevralda keçirilən parlament seçkisindən sonra hökumət formalaşdırılmadı. İyunun 7-də Konstitusiya Məhkəməsi parlamentin buraxılması, yeni seçkinin keçirilməsi barədə qərar çıxardı.

Moldova qanunvericiliyinə görə, hökumət seçkidən sonrakı üç ay ərzində formalaşdırılmalıydı.

İyunun 8-də Dodonun moskvapərəst Sosialist Partiyası Avropa Birliyi tərəfdarı kimi tanınan ACUM blokuyla sürpriz razılaşma əldə etdi.

Parlamentdəki 101 yerdən 61-nin sahibi olan yeni alyans Baş nazir Pavel Filip-in hakim Demokratik Partiyasını (PDM) hakimiyyətdən uzaqlaşdırmaq istədiyini bildirdi.

Vladimir Putin Mir TV-yə müsahibə verir
Vladimir Putin Mir TV-yə müsahibə verir

Filip sentyabrın 6-na seçki təyin edib

Alyans məhkəməni konstitusiyanı yanlış yozmaqda, seçkinin nəticələrini üç ay əvəzinə 90 gün sonra ləğv etməkdə suçlayıb. Alyans həmçinin ACUM liderlərindən Maia Sandu-nun rəhbərliyi ilə yeni hökuməti təsdiqlədi.

Məhkəmə isə iyunun 9-da Sandu hökumətini qeyri-konstitusion elan edərək Sosialist Partiyasının keçmiş lideri Dodonu prezidentlikdən kənarlaşdırıb.

Aralıq dövr prezidenti kimi iş başına keçən Filip parlamenti dərhal buraxaraq sentyabrın 6-na növbədənkənar seçki təyin edib.

Demokratik Partiyanın rəhbəri ziddiyyətli maqnat Vladimir Plahotniuc-dur, çoxları onun ölkəni pərdəarxasında idarə etdiyini düşünür.

Sosialistlər və ACUM Konstitusiya Məhkəməsini Plahotniuc-un nəzarətində olmaqda ittiham edirlər.

İyunun 13-də Rusiyada dövlətin nəzarətində olan Mir TV-yə müsahibəsində Putin deyib ki, Kreml “Prezident Dodon və onun bugünkü koalisiya tərəfdaşlarını dəstəkləməyə davam edəcək”.

Putin “Moldovadakı hakimiyyətin oliqarx strukturları, oliqarxlar tərəfindən qəsb olunduğunu” deyib: “Başqa sözlə, onlar Moldova xalqının hesabına qazanıblar və bu pulda öz şəxsi sərvətlərini, dövlətə nəzarəti gücləndirməkdə istifadə ediblər”.

Günün bütün mövzuları

XS
SM
MD
LG