Keçid linkləri

Təcili xəbərlər
2019, 23 Avqust, Cümə, Bakı vaxtı 06:23

Rusiyada çalışan bu miqrantlar pensiya alacaqlar


Moskvada miqrantlar

Rusiya Avrasiya İqtisadi Birliyindən (AİB) olan işçi miqrantlara, hətta onlar vətənlərinə qayıtsalar belə, təqaüd verəcək. Bu birliyə Ermənistan, Belarus, Qazaxıstan və Qırğızıstan daxildir. Bu haqda RBK portalı AİB-in hazırlanan layihə haqda sənədlərinə və Rusiya Əmək Nazirliyini rəsmi məktubuna istinadla yazır.

Birlik üzvləri gərəkən daxili restrukturizasiyanı aparandan, qalan üzvləri bundan xəbərdar edəndən sonra razılaşma qüvvəyə minəcək.

Sənədlərə görə, razılaşma bu ilin sentyabrında imzalanacaq, ödənişlər isə artıq 2020-ci ildən başlanacaq.

Volqoqradda miqrantlara qarşı reydlər
Volqoqradda miqrantlara qarşı reydlər

İş stajı toplanacaq

Mövcud pensiya qanunvericiliyində deyilir ki, təqaüd, vətəndaşlıqdan asılı olmayaraq daimi yaşayış ölkəsində verilir. Bu səbəbdən Rusiyadan gedən miqrantlara iş stajı yazılmır, Rusiyanın pensiya fondundan ödəniş ala bilmirlər. Yeni razılaşma isə ödəniş sxemini dəyişir.

Bundan sonra Rusiyada qazanılan pensiyanın bir hissəsi, hətta ölkədən gedəndə belə veriləcək. AİB ölkələrində qazanılan iş stajı isə üst-üstə toplanacaq. Rusiya vətəndaşı yaşa görə pensiya hüququ əldə edirsə, sonra AİB-in başqa bir ölkəsinə köçürsə, bu halda da təqaüdü Rusiyadan alacaq.

Razılaşma geri tarixə aid edilmədiyindən pensiya fondunun ilkin dövrdə xərcləri böyük olmayacaq. Əmək Nazirliyinin məktubunda yazılıb ki, 2020-2021-ci illərdə pensiya fondu yeni razılaşma üzrə əlavə olaraq 166 milyon rubl ödəniş edəcək. Onun 91 milyonu AİB-in digər ölkələrinə köçmüş Rusiya vətəndaşlarına veriləcək. Ancaq ildən ilə və miqrantların pensiya stajı artdıqca ödənişlərin həcmi də böyüyəcək.

Mövcud qanunvericiliyə görə, işəgötürən xarici işçilərə görə Rusiyanın pensiya fonduna ödənişlər edir, ancaq işçilər pensiya ödənişlərinə iddia edə bilməzlər. Pensiya fondu RBK-yə bu pulların haraya getdiyini açıqlamaqdan imtina edib.

Günün bütün mövzuları

XS
SM
MD
LG