Keçid linkləri

2024, 19 Mart, çərşənbə axşamı, Bakı vaxtı 15:36

Ankara Rusiya ilə birgə S-500 raketləri istehsal etmək istəyir


Recep Tayyip Erdoganın NATO toplantısında çıxışı Ankara, 6 may, 2019
Recep Tayyip Erdoganın NATO toplantısında çıxışı Ankara, 6 may, 2019

Türkiyə prezidenti Racep Tayyip Erdogan deyib ki, Ankara Rusiya ilə birlikdə S-500 hava hücumlarından müdafiə sistemi üzərinə işləməyi planlaşdırır.

Bu barədə Reuters agentliyi məlumat yayıb.

O, həmçinin qeyd edib ki, Rusiyadan S-400 raketlərinin alınmasına vaxtında başlanacaq.

Amma Erdogan qeyd edib ki,Türkiyə bununla yanaşı ABŞ-dan F-35 qırıcı təyyarələrinin alınmasını da davam etdirəcək.

Moskva ilə Ankara S-400 raketləri ilə bağlı müqaviləni 2017-ci ildə imzalayıblar.

Müqavilənin dəyəri 2 milyard yarım dollardır.

Raketlərin göndərilməsinə 2020-ci ilin baharından başlanmalıdır.

Amma ilkin razılaşmaya əsasən ilk komplekslərin göndərilməsinə artıq bu ilin iyulundan başlanmalı idi.

Bu sövdələşmə ABŞ-Türkiyə münasibətlərini gərginləşdirib.

Vaşinqton ehtiyat edir ki, S-400 hava hücumlarından müdafiə kompleksləri NATO ordusunda olan F-35 təyyarələri barədə məxfi məlumatlar əldə edə bilər.

ABŞ bundan başqa deyir ki, S-400 komplekslərini NATO ordusuna uyğunlaşdırmaq mümkün deyil.

ABŞ Senatında bildiriblər ki, əgər Türkiyə Rusiyadan S-400 raketləri alsa, ona qarşı sanksiyalar tətbiq edilə bilər.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG