Keçid linkləri

Təcili xəbərlər
2019, 26 May, bazar, Bakı vaxtı 18:02

ABŞ-da doğum səviyyəsi düşür


ABŞ-da miqrant qadın

Ötən il Birləşmiş Ştatlarda doğum səviyyəsi on 30 ildə ən aşağı həddə düşüb. Bunu hökumət statistikası üzə çıxarıb.

Xəstəliklərə Nəzarət və Qarşısının Alınması Mərkəzinin (CDC) mayın 15-də bildirməsinə görə, 2018-ci ildə ölkədə 3 milyon 788 min 235 doğum qeydə alınıb və bu, 2017-ci ildən 2 faiz azdır.

Artıq dördüncü ildir doğum səviyyəsi azalır və bu, 1986-cı ildən bəri ən aşağı göstərici sayılır.

CDC son 11 iliyin 10-u ərzində doğum səviyyəsinin azaldığını vurğulayır.

Ötən il ölkədə hər qadına 1,7 doğum düşüb. Ekspertlər deyirlər ki, əhalinin immiqrasiya olmadan özünü əvəzləyə bilməsindən ötrü hər qadına 2,1 doğum olmalıdır.

Brookings İnstitutunun demoqrafı William Frey “AFP”yə deyib ki, sürətli düşüş qismən 2008-ci ildə başlamış iqtisadi yavaşıma ilə əlaqədardır.

ABŞ-ın doğum göstəricisi Yaponiya, İtaliya və Almaniyadan yüksək olsa da, Fransada hər qadına 1,88 doğumdan aşağıdır.

Günün bütün mövzuları

XS
SM
MD
LG