Keçid linkləri

Təcili xəbərlər
2019, 21 Avqust, çərşənbə, Bakı vaxtı 22:55

Rusiyalı hakerlər seçici məlumat bazalarına ‘girib’


ABŞ-da seçki, arxiv fotosu

ABŞ-ın Florida ştatının qubernatoru deyir ki, 2016-cı il prezident seçkisi öncəsi rusiyalı hakerlər iki dairədə seçicilərin məlumat bazasına çıxış əldə edib.

Ron DeSantis-in mayın 14-də deməsinə görə, hakerlər məlumatlarla manipulyasiya edə bilməyiblər və seçkinin nəticələrinə ziyan dəyməyib.

Xüsusi prokuror Robert Mueller də Rusiyanın 2016-cı il seçkisinə müdaxiləsinə dair hesabatında deyirdi ki, hakerlər azı bir dairədə şəbəkəyə çıxış əldə ediblər.

“Mueller-in hesabatındakı seçki məsələsi ilə əlaqədar bu yaxınlarda Federal Təhqiqat Bürosuyla (FTB) görüşmüşəm”, – DeSantis mətbuat konfransında söyləyib.

Prezident Donald Trump Florida ştatında
Prezident Donald Trump Florida ştatında

Onun sözlərinə görə, hakerlər çıxışı saxta email vasitəsilə əldə ediblər, işçilərdən biri həmin linki basıbmış.

“Məsələ hesabata düşür, amma...”

DeSantis Mueller-in hesabatında haker əməliyyatı haqda ümumi danışılmasından məyusluğunu bildirib.

“Təsəvvür edin, məsələ Mueller-in hesabatında çıxır, heç kəs mənə heç nə demir. Yaxşı ki mən vəzifəyə 2019-cu ildə keçmişəm, bu isə 2016-cı ildə baş verib. Yəqin, bu səbəbdən FTB mənə bir neçə il əvvəl baş vermiş məsələ haqda heç nə deməyib”, – o vurğulayıb.

Floridanın keçmiş senatoru Bill Nelson ötən il xəbərdarlıq etmişdi ki, Rusiya ştatda seçki qeydiyyatı sistemlərinə “nüfuz edib”, ancaq onda seçki rəsmiləri məsələni qətiyyətlə təkzib etmişdilər.

Mueller hesabatında belə bir qənaətə gəlib ki, Rusiya 2016-cı il seçkisinə “sistematik” müdaxilə edib, amma Trump və komandasının Rusiya rəsmiləri ilə əlbirliyinə dair yetərincə dəlil aşkarlanmayıb.

Kreml seçkiyə müdaxilə iddialarını rədd edir.

Demokrat konqresmenlər Mueller hesabatının tam açıqlanmasını tələb edirlər. Demokratların nəzarətində olan Nümayəndələr Palatasının bir neçə komitəsində hazırda Mueller hesabatıyla bağlı istintaq gedir.

Günün bütün mövzuları

XS
SM
MD
LG