Keçid linkləri

2024, 28 Mart, Cümə axşamı, Bakı vaxtı 22:33

Qırmızı Meydanda qələbə paradı keçirilib


Vladimir Putin paradda
Vladimir Putin paradda

Mayın 9-da Rusiya nasist Almaniyası üzərində qələbənin 74-cü ildönümünü Moskvadakı Qırmızı Meydan böyük hərbi paradla qeyd edir.

Prezident Vladimir Putin ölkənin digər yüksək rütbəli rəsmiləri ilə paradı mərkəzi tribunadan izləyib. O, iştirakçılara deyib ki, Rusiya özünün ən yüksək səviyyədə müdafiə bacarığını təmin edəcək.

Parada Quru Qüvvələrinin Ali Baş Komandanı General Oleg Salyukov rəhbərlik edib.

Sovet əsgərləri qələbə bayrağını Reyxstaq binasına 1945-ci ilin mayında sancıblar.

Moskvada parad
Moskvada parad

Bugünkü paradda 13 mindən çox əsgər, 130 qabaqcıl silah sistemi iştirak edib. Parad ölkədə canlı yayımlanıb.

Anonim mənbənin TASS xəbər agentliyinə deməsinə görə, əlverişsiz hava səbəbindən parada döyüş təyyarələri və vertolyotlar qatılmayacaq.

***

Putin paraddakı çıxışında deyib ki, “Avropanı nasist Almaniyasından əsas xilaskarı” Sovet İttifaqı olub. O, Ukraynanın paytaxtı Kiyevi “qədim Rusiya paytaxtı” adlandırıb.

“Qələbə qədim Rusiya paytaxtları – Kiyev və Böyük Novqorodun müdafiəsində iştirak edənlərin cəsarəti hesabına qazanılıb, Smolensk, Odessa (Ukraynanın Qara Dəniz sahilindəki şəhəri), Sevastopolun (Moskvanın 2014-cü ildə Ukraynadan ilhaq etdiyi Krımda şəhər) müdafiəçilərinin cəsarəti hesabına qazanılıb”, – Putin deyib.

Nursultan Nazarbayev Moskvada paradda
Nursultan Nazarbayev Moskvada paradda

Kremlin tənqidçilərinin fikrincə, Putin Qələbə günü paradları vasitəsilə güc nümayiş etdirir, vətənpərvərliyi alovlandırır, ancaq yaşlanmaqda olan 2-ci Dünya müharibəsi veteranlarına elə də böyük diqqət ayırmır.

Bugünkü parada Qazaxıstan Prezidenti Nursultan Nazarbaev də qatılıb və bu, tədbirin sürprizi olub. Kremlin sözçüsü Dmitry Peskov daha öncə deyirdi ki, parada xarici lider gəlməyəcək.

Martın 19-da prezidentlikdən istefa vermiş Nazarbaev “Millətin atası” titulunu saxlayıb.

Putin və Rusiyanın digər rəsmiləri Müqəddəs Georgi lenti taxıblar. Bu hərbi simvol son illər keçmiş sovet respublikalarında Rusiya millətçiliyi və dominantlığın əlaməti hesab olunur.

2017-ci ildən Ukrayna Müqəddəs Georgi lentini “Rusiya təcavüzü”nün simvolu kimi rəsmi qadağan edib.

Nazarbaev isə yaxasına Müqəddəs Georgi Lenti deyil, Qazaxıstanın milli bayrağını təmsil edən mavi lent taxıb.

Bir sıra keçmiş sovet respublikalarında da Qələbə günü tədbirləri keçirilib.

2-ci Dünya müharibəsində 27 milyonadək sovet əsgəri və vətəndaşının həlak olduğu bildirilir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG