Keçid linkləri

Təcili xəbərlər
2020, 21 Oktyabr, çərşənbə, Bakı vaxtı 06:39

SpaceX kapsulanın dağıldığını təsdiqləyib


Crew Dragon Atlantik okeanına enir

Milyarder Elon Musk-ın SpaceX şirkəti kosmik kapsulanın dağıldığını təsdiqləyib. Kapsula Beynəlxalq Kosmik Stansiyaya (BKS) adam aparmalıydı. Şirkət insidenti “anomaliya” adlandırıb.

Crew Dragon kapsulası aprelin sonunda sınaqdan çıxarılıb. Özəlliklə, onun mühərriki yoxlanıb. O zaman internetdə kapsulanın partladığını göstərən video yayılmışdı. Şirkət videonun həqiqiliyini təsdiqləmədi, ancaq jurnalistlər NASA-dakı mənbələrdən təsdiq ala bildilər.

SpaceX-in orbitə adam daşıyacaq ilk aparatının itkisi şirkətin kosmik gəmilər buraxmasının ertələnməsinə səbəb ola bilər. İlk gəminin göndərilməsi 2019-cu il iyulun sonuna planlaşdırılırdı.

NASA-nın planlarına görə, Crew Dragon və ona rəqib, bu il buraxılması planlaşdırılan Boeing özəl kosmik gəmisi Amerika kosmonavtikası üçün 60-cı illərdə hazırlanmış “Soyuz” Rusiya kosmik gəmilərini əvəzləməlidir. Hazırda Beynəlxalq Kosmik Stansiyaya astronavtlar “Soyuz”la daşınır.

Crew Dragon gəmisi martda BKS-ya ilk uçuşdan sonra Yerə uğurla dönmüşdü. O, kosmonavtika tarixinə ilk kommersiya kosmik gəmisi kimi düşüb.

XS
SM
MD
LG