Keçid linkləri

Təcili xəbərlər
2020, 25 Oktyabr, bazar, Bakı vaxtı 12:55

1 may yürüşlərində saxlananlara həbs kəsilir


Sankt Peterburda nümayiş zamanı, 1 may, 2019-cu il

İranda 1 may günü nümayişlərində onlarla əmək fəalı və azı iki jurnalist saxlanıb. Tehrandan gələn məlumatlarda nümayişlərin zorakılıqda dağıdıldığı bildirilir.

Şahidlərin AzadlıqRadiosu-na deməsinə görə, azı 35 nümayişçi, əsasən də Tehran Avtobus Sürücüləri Birliyinin üzvləri parlament binası qarşısında yürüş zamanı saxlanıblar.

Etirazçılardan bəzilərinin yerlə sürüdüldüyü, döyüldüyü xəbər verilir.

Tehranda 1 may nümayişi
Tehranda 1 may nümayişi

Sosial mediada yayılan videolarda nümayişçilərin bahalanmaya, inflyasiyanın artmasına etiraz etdiyi görünür. Etirazçılar həmçinin müstəqil əmək təşkilatlarının yaradılmasına çağırıblar.

Amnesty International hüquq-müdafiə təşkilatı mayın 1-də verdiyi bəyanatda əmək hüquqları fəallarını azadlığa buraxmağa çağırıb. Qurum hazırda İranda onlarla fəalın məhkum olunduğunu bildirib.

Vaşinqton bir il öncə İranla 2015-ci il nüvə sazişindən çıxdığını, Tehrana sanksiyaların bərpa olunduğunu bildirib. Son bir ildə İranda iqtisadi böhran pisləşib.

Sankt Peterburqda nümayiş zamanı
Sankt Peterburqda nümayiş zamanı

Rusiya və Qazaxıstanda saxlananların cəzası bəllidir

Rusiyada isə Sankt Peterburqda “icazəsiz” 1 may etirazının təşkilinə görə iki müxalifətçiyə 10 günlük həbs cəzası kəsilib. Müxalifət lideri Aleksei Navaıny-nin Sankt Peterburqdakı ofisinin koordinatoru Aleksandr Shurshev və müxalifəti Açıq Rusiya vətəndaş hərəkatının rəhbəri Andrei Pivoarov-a qarşı hökmlər mayın 2-də çıxarılıb.

Açıq Rusiya hərəkatı “Azad Sankt Peterburq azad seçki” deviziylə keçirilən yürüş üçün şəhər hakimiyyətindən icazə aldığını bildirir.

Etirazçılar Prezident Vladimir Putini və Sankt Peterburqun qubernatoru vəzifəsini icra edən Aleksandr Beglov-un tənqid olunduğu plakatlar qaldırılan kimi nümayişçiləri həbs etməyə başlayıb. Ümumilikdə 68 nümayişçinin saxlandığı bildirilir.

Rusiyanın digər şəhərlərində 1 may yürüşlərinə çıxanlardan da saxlananlar olub.

Almatıda polis etirazçıları saxlayır
Almatıda polis etirazçıları saxlayır

Qazaxıstanda da 1 may nümayişçilərinə cəzalar kəsilməkdədir. Vəkil Bauyrzhan Azanov-un AzadlıqRadiosu-na deməsinə görə, onun iki müştərisi polisin əmrinə tabe olmamaqda təqsirli bilinib və hərəsinə 5 günlük həbs kəsilib. Məhkəmə prosesləri davam edir.

Dünən paytaxt Nur-Sultanda yürüşə çıxan onlarla adam saxlanmışdı.

Qazaxıstanın Daxili İşlər Nazirliyi mayın 1-də Nur-Sultan və Almatıda 80 etirazçının saxlandıını bildirib. Almatıdakı nümayişi işıqlandıran AzadlıqRadiosu əməkdaşları isə təkcə bu şəhərdə 100-dək adamın saxlandığını xəbər verib.

1 may etirazçıları əsasən iyunun 9-na təyin olunmuş növbədənkənar prezident seçkisini tənqid ediblər.

XS
SM
MD
LG