Keçid linkləri

Təcili xəbərlər
2019, 24 May, Cümə, Bakı vaxtı 19:07

Moskva Mueller hesabatına yalan şərh verir


Robert Mueller-in hesabatı

ABŞ-da Xüsusi prokuror Robert Mueller Rusiyanın Birləşmiş Ştatlarda seçkiyə müdaxiləsinə dəlil tapmadığını “boynuna alıb”. Rusiyanın Xarici İşlər Nazirliyi aprelin 19-da belə bir yalan iddia irəli sürüb.

Mueller Rusiyanın 2016-cı ildə prezident seçkisinə müdaxilə iddialarını, Trump-ın seçki kampaniyası ilə Moskvanın mümkün əlbirliyini araşdırırdı.

***Buna da bax: Demokratlar Mueller hesabatında Trump-a qarşı faktlar olduğunu deyirlər

Hesabatın redaktəli versiyası aprelin 18-də Konqresə göndərilib və onlayn yayılıb. Sənəddə Rusiyanın seçkiyə müdaxiləsinə dair dəlillər göstərilir, ABŞ vətəndaş cameəsinin daha öncəki tapıntıları təsdiqlənir. Rusiyanın “email”lərin ələ keçirilməsi və dezinformasiya kampaniyası vasitəsilə ABŞ-da ictimai rəyə təsir göstərməyə çalışdığı bildirilir. ​

William Barr (ortada) hesabat barədə danışır
William Barr (ortada) hesabat barədə danışır

“Rusiya hökuməti 2016-cı ildə prezident seçkisinə irimiqyaslı və sistematik tərzdə müdaxilə edib”, – Muellerin hesabatında vurğulanır.

“İki ilədək çəkən istintaq, minlərlə dindirmə, şahid ifadələri nəticəsində xüsusi prokuror təsdiqləyib ki, Rusiya hökuməti 2016-cı ildə prezident seçkisinə qanunsuz müdaxilə cəhdlərinə sponsorluq edib. Ancaq prokuror Trump-ın seçki kampaniyasının və digər amerikalıların həmin cəhdlərlə sövdələşməyə getməsini aşkarlamayıb”, – Baş prokuror William Barr aprelin 18-də bildirib.

“Bircə dəlil də yoxdur”

Rusiya Xarici İşlər Nazirliyinin rəsmisi isə Moskvada jurnalistlərə deyib ki, Mueller Rusiyanın müdaxiləsinə “dəlil tapmadığını etiraf edib”.

Prezident Donald Trump Ağ evdə hesabatdan danışır
Prezident Donald Trump Ağ evdə hesabatdan danışır

“Orada diqqətəlayiq bir şey yoxdur. Faktiki olaraq, Rusiyanın ABŞ-da seçkiyə iddia olunan müdaxiləsini sübut edəcək arqumentlərin olmadığı təsdiqləyib”, – XİN-in Şimali Amerika departamentinin rəhbəri Georgy Borisenko deyib.

“Bircə dəlil də yoxdur. Faktiki olaraq, hesabat müəllifləri dəlilin tapılmadığını etiraf ediblər”, – Borisenko iddia edib.

Bu hesabat açıqlanandan öncə isə Mueller 10-dan artıq rusiyalı hərbi kəşfiyyat zabitinə ittiham irəli sürmüşdü. Onların Demokratlar partiyasının elektron yazışmalarının ələ keçirilməsinin arxasında durduğu bildirilirdi. Həmin yazışmalar prezident seçkisinin qızğın vaxtında açıqlanmışdı.

Mueller-in hesabatı Trump-ın, yaxud kampaniya üzvlərinin Rusiyayla sövdələşməsinə yetərincə dəlil tapılmadığı qənaətinə gəlib. Ancaq sənəddə o da vurğulanıb ki, Trump və komandasının azı 17 üzvü, yaxud müşavirləri 2016-cı ilin seçki kampaniyası dövründə rusiyalılarla 100 dəfədən artıq əlaqə yaradıb.

Günün bütün mövzuları

XS
SM
MD
LG