Keçid linkləri

Təcili xəbərlər
2020, 21 Oktyabr, çərşənbə, Bakı vaxtı 05:43

Avropa Məhkəməsindən daha bir Navalny qərarı


Aleksei Navalny

Avropa İnsan Hüquqları Məhkəməsinin (ECHR) çıxardığı qərara görə, Rusiya hakimiyyəti 2014-cü ildə müxalif siyasətçi Aleksei Navalny-ni ev dustaqlığında saxlamaqla onun hüquqlarını pozub.

Navalny 2014-cü ilin fevralında ev dustağı edilib. O zaman onun barəsində mənimsəmə iddiaları araşdırılırdı, özü və tərəfdarları isə iddiaların siyasi motivli olduğunu deyirdi.

ECHR Rusiyanın o zaman Avropa İnsan Haqları Konvensiyasını pozması barədə qərar çıxarıb.

“Bir məsələ də aydındır ki, onun ictimai fəaliyyətini məhdudlaşdırmaq üçün onunla o cür davranılıb”, – məhkəmənin qərarında deyilir.

Navalny və qardaşı Oleg 2014-cü ilin dekabrında 30 milyard rublu – 442 min dolları mənimsəməkdə təqsirli bilinib. Həmin pulun Yves Rocher-in Rusiya filialı və başqa bir şirkətdən mənimsədiyi bildirilirdi.

Ancaq Strasburqda mənzillənən məhkəmə 2017-ci ilin oktyabrında qərar çıxarıb ki, Rusiya məhkəmələei qardaşların ədalətli mühakimə hüququnu pozub.

Navalny Prezident Vladimir Putinin əsas siyasi opponentlərindən biridir.

XS
SM
MD
LG