Keçid linkləri

Təcili xəbərlər
2020, 25 Oktyabr, bazar, Bakı vaxtı 21:27

Türkmənistana jurnalistlərlə bağlı çağırış


Soltan Achilova

Jurnalistləri Müdafiə Komitəsi (CPJ) Türkmənistanı veteran jurnalist Soltan Achilova-ya qoyulmuş səyahət qadağasını dərhal qaldırmağa çağırır.

“Achilova və azsaylı digər jurnalistə sistematik təzyiqə son qoyulmalıdır, çünki onlar dünyanın ən qapalı ölkələrinin birindən xəbərləmə kimi vacib işi görürlər”, – Nyu Yorkda mənzillənən media qurumunun Avropa və Orta Asiya proqramının koordinatoru Gulnoza Said martın 25-də deyib.

Achilova Vyanada fəaliyyət göstərən Xronika Turkmenistana müstəqil vebsaytının Aşqabat müxbiridir. O, martın 11-də beynəlxalq seminara qatılmaq üçün Tbilisiyə uçmaq istəyərkən saxlanıb, ona deyiblər ki, ölkəni tərk edə bilməz. Bunu sözügedən saytın baş redaktoru Farid Tukhbatullin CPJ-yə deyib.

Martın 21-də Sərhədsiz Jurnalistlər Təşkilatı (RSF) da Türkmənistan hakimiyyətini “Achilova və azsaylı müstəqil jurnalistlərə təzyiqi dayandırmağa çağırmışdı”.

Türkmənistan RSF-in Ümumdünya Mətbuat Azadlığı İndeksində 180 ölkə sırasında 178-ci yerdədir.

XS
SM
MD
LG