Keçid linkləri

Təcili xəbərlər
2019, 27 Mart, çərşənbə, Bakı vaxtı 00:08

İran yeni sualtı qayığı təqdim edir


Fateh sualtı qayığı

İran Prezidenti Hassan Rohani ölkəsində istehsal olunmuş, qanadlı raketlərlə silahlanmış sualtı qayığı təqdim edib. Bu, Birləşmiş Ştatlarla gərginlik yaşandığı bir dönəmə təsadüf edir.

“Bu gün İran İslam Respublikası qurudan, havadan və dənizdən tamamilə özünə arxalanır”, – Rohani ölkənin cənubundakı Bandar Abbas şəhərində keçirilən təqdimat mərasimində söyləyib.

“Bizim müdafiə gücümüz öz maraqlarımızı müdafiə etməyi nəzərdə tutur, heç vaxt heç bir ölkəyə hücum etməməyə cəhd göstərməmişik”, – prezident dövlətə məxsus Press TV televiziyasına söyləyib.

Hassan Rohani
Hassan Rohani

2 MİN KİLOMETRİ VURA BİLƏN RAKETLƏR

“Fateh” adlı 600 tonluq sualtı qayığın torpedalarla, dəniz minaları ilə, 2 min kilometri vurmağa qadir qanadlı raketlərlə təchiz olunduğu bildirilir. Bu raketlər İsrail və Birləşmiş Ştatların regiondakı hərbi bazalarına çata bilər.

ABŞ Prezidenti Donald Trump ötən il Tehranla 2015-ci ildə imzalanmış nüvə sazişindən çıxıb, İrana sanksiyaların bərpa olunduğunu açıqlayıb.

Trump sazişin İranın ballistik raket proqramını, Yaxın Şərqdəki fəaliyyətini əhatələmədiyi üçün qüsurlu olduğunu bildirib.

Sənədi imzalamış Avropa ölkələri isə ona sadiq qalır, amma onlar da İranın raket proqramını, Yaxın Şərq Ölkələrinə müdaxiləsini getdikcə daha çox tənqid edirlər.

Nüvə sazişi İranın nüvə proqramını məhdudlaşdırması əvəzində ona sanksiyaların yüngülləşdirilməsini nəzərdə tuturdu.

Tehran beynəlxalq təzyiqə və embarqolara baxmayaraq yerli silah sənayesini inkişaf etdirib.

Rohani dünənki mərasimdə deyib ki, “düşmənimizin təzyiqi və İrana sanksiyalar proqresimizə təkan verib”.

Prezidentin sözlərinə görə, İran ona gərəkən silahları yalnız alsaydı, “müdafiə sektorumuzu sənayeləşdirməyə bəlkə də belə bir motivasiyamız olmazdı”.

Günün bütün mövzuları

XS
SM
MD
LG