Keçid linkləri

Təcili xəbərlər
2020, 24 Oktyabr, şənbə, Bakı vaxtı 13:45

ABŞ-da azadlığa çıxmış aparıcı İrana qayıdıb


Marzieh Hashemi

Birləşmiş Ştatlarda 10 gün həbsdə qalmış iranlı aparıcı Tehrana qayıdıb.

ABŞ doğumlu Marzieh Hashemi yanvarın 23-də azadlığa buraxılıb. Onu yanvarın 30-da Tehran aeroportunda 100-dən artıq adam qarşılayıb.

Jurnalistin həbsi beynəlxalq jurnalist təşkilatlarını narahat etmiş, Tehranı qəzəbləndirmişdi. İran onun qanunsuz saxlandığını deyir, dərhal buraxılmasını tələb edirdi.

Yanvarın 18-də açıqlanmış məhkəmə sənədlərinə görə, Press TV-nin əməkdaşı olan 59 yaşlı Hashemi şahid kimi saxlanıb, konkret cinayətdə suçlanmayıb. Amma söhbətin hansı işdən getdiyi açıqlanmayıb.

Jurnalisti aeroportda qarşılayanların çoxu qara hicab geyinmiş, əllərində anti-Amerika plakatlar tutmuş qadınlar olub.

“Marzieh buraxılıb, Amerikaya ayıb olsun!” plakatların birində deyilirdi.

Hashemi İran üçün çox darıxdığını söyləyib.

Nyu Orleanda Melanie Franklin adıyla doğulmuş Hashemi ailə qurandan sonra İran vətəndaşlığı alıb. Oğlu onun Tehranda yaşadığını, ildə bir dəfə Birləşmiş Ştatlara getdiyini deyib.

XS
SM
MD
LG