Keçid linkləri

Təcili xəbərlər
2020, 29 Sentyabr, çərşənbə axşamı, Bakı vaxtı 18:47

Azərbaycan sülhməramlıları Cənubi Sudanda


Müdafiə Nazirliyi

Azərbaycan sülhməramlıları Cənubi Sudanda keçirilən sülhməramlı missiyada xidmətə başlayıb.

Bu barədə bu gün, yanvarın 30-da Müdafiə Nazirliyi məlumat yayıb.

Məlumatda bildirilir ki, Azərbaycan ordusunun iki zabiti BMT-nin mandatı altında keçirilən sülhməramlı missiyada iştirak etməkdən ötrü Cənubi Sudanın paytaxtı Cuba şəhərinə gəlib.

«Zabitlərimiz BMT-nin sülhməramlı missiyasının (UNMİSS) komandanlığı altında Cənubi Sudan Respublikasında keçirilən missiyada müşahidəçi qismində fəaliyyətə başlayıblar», - açıqlamada yazılıb.

Keçən il noyabrın 30-da Milli Məclis Azərbaycanın 4 nəfərdən ibarət hərbi heyətinin BMT-nin sülhməramlı missiyasının (UNMİSS) komandanlığı altında Cənubi Sudanda yerləşdirilməsinə razılıq verilməsi haqda qərar qəbul etmişdi.

Xatırlatma

Cənubi Sudan Sudan Respublikasının parçalanması ilə 2011-ci ildən müstəqildir. 5 ildir orada vətəndaş müharibəsi gedir. Bu müddət ərzində bir çox insanlar qətlə yetirilib, milyonlarla insan qaçqın düşüb.

Azərbaycan Silahlı Qüvvələri Əfqanıstandakı sülhməramlı missiyada da iştirak edir. Bu isə 2002-ci il noyabrın 20-dən başlayıb.

Hazırda Azərbaycanın 120 nəfərlik sülhməramlı kontingenti NATO-nun Əfqanıstandakı «Qətiyyətli Dəstək» missiyasına öz dəstəyini verir.

Multimedia

XS
SM
MD
LG