Keçid linkləri

Təcili xəbərlər
2020, 25 Oktyabr, bazar, Bakı vaxtı 07:15

BMT rəhbəri antisemitizmin artdığını deyir


Antonio Guterres

BMT-nin baş katibi dünyada antisemitizmin, yəhudilərə nifrətin artması barədə xəbərdarlıq edib.

Antonio Guterres yanvarın 28-də BMT-də Beynəlxalq Holokostu Anım Günü mərasimində çıxış edib.

O deyib ki, 2017-ci ildə Birləşmiş Ştatlarda antisemit insidentlər 57 faiz artıb. Avropa Birliyinin monitorinq agentliyinin ötən il bildirməsinə görə, yəhudilərin 28 faizi yalnız yəhudi olduğu üçün qısnamayla üzləşdiyini deyib.

Guterres Holokostun tarixini yenidən yazmaq cəhdləri sarıdan da xəbərdarlıq səsləndirib. 2-ci Dünya müharibəsi zamanı Adolf Hitlerin qüvvələri 6 milyon yəhudini qətlə yetiriblər.

BMT rəhbəri dünyada dözümsüzlüyün ümumilikdə gücləndiyini vurğulayıb. O, bir sıra ölkələrdə – Myanmada rohinca müsəlmanları, İraqda yəzidi azlığına hücum və təqibləri misal çəkib.

Beynəlxalq Holokostu Anım Günündə 74 il öncə Auschwitz ölüm düşərgəsinin azad olunması qeyd olunur.

XS
SM
MD
LG