Keçid linkləri

Təcili xəbərlər
2019, 19 Fevral, çərşənbə axşamı, Bakı vaxtı 10:27

Gürcüstan güləş federasiyasının rəhbəri saxlanıb


Zurab Datunashvili

Gürcüstan polisi ölkənin güləş federasiyasının rəhbərini saxlayıb. O, milli çempionatların birində bir güləşçiyə hücum etməkdə ittiham olunur.

“Araşdırma Gega Tamaz Gegeshidze-nin yanvarın 11-də İdman Sarayında idmançı Zurab Datunashvili-yə fiziki hücum etdiyini üzə çıxarıb ”, – Daxili İşlər Nazirliyinin yanvarın 22-də yaydığı bəyanatda deyilir.

İnternetdə yayılmış videoda Gegeshidze-nin yunan-roma güləşi üzrə ikiqat Avropa çempionu Zurab Datunashvili-yə hücum etdiyi görünürdü. Hadisə çempionun finalda Robert Kobiashvili-yə məğlubiyyətinə etirazından sonra baş verib.

Videoda Gegeshidze-nin əlində metal əşya var, Datunashvili-nin isə qan içindədir, gözünün üstü yarılıb.

Datunashvili yanvarın 22-də AzadlıqRadiosu-na deyib ki, davaya onunla federasiya arasındakı ədavət səbəb olub. O, 2018-ci ildə federasiyanın özüylə bağlı qərarlarını ədalətsiz sayaraq etiraz edib. O həmçinin federasiyada korrupsiyayla bağlı iddialar səsləndirib.

Videonun yayılmasına baxmayaraq, 2017-ci ilin dekabrından federasiya prezidenti olan Gegeshidze ittihamları rədd edib, təhqiqatla bağlı polislə əməkdaşlıq edəcəyini deyib.

Günün bütün mövzuları

XS
SM
MD
LG