Keçid linkləri

2024, 25 May, şənbə, Bakı vaxtı 07:57

ABŞ kəşfiyyatı ‘çeşidli’ təhdidlərlə bağlı xəbərdarlıq edir


İllüstrativ foto
İllüstrativ foto

Rusiyanın nüfuz dairəsini genişləndirmək cəhdləri, Çinin ordusunu modernləşdirməsi Birləşmiş Ştatların qarşısında duran “çeşidli” təhdidlərdir. Bu haqda ABŞ kəşfiyyatının yanvarın 22-də Vaşinqtonda açıqladığı hesabatda söz açılır.

Milli Kəşfiyyat Strategiyası hesabatı hər dörd ildən bir yayılır. Hesabatda Şimali Koreyanın nüvə silahları fəaliyyəti, Birləşmiş Ştatların düşmənlərinin kiber bacarıqlarını gücləndirməsi, qlobal siyasi sabitsizlik də potensial təhdidlər kimi sadalanır.

Bu sənəd ABŞ-ın 17 kəşfiyyat agentliyi üçün rəhbər strategiya sayılır və növbəti dörd il ərzində ölkənin kəşfiyyat cameəsinin strateji istiqamətini müəyyənləşdirəcək.

Hesabatda qeyd olunur ki, Birləşmiş Ştatlar “getdikcə mürəkkəbləşən və qeyri-müəyyən dünyayla üzləşir, bu dünyada təhdidlər getdikcə fərqli miqyas alır, qarşılıqlı əlaqəli olur”.

Dan Coats
Dan Coats

“HAZIR OLMALIYIQ”

Milli Kəşfiyyatın direktoru Dan Coats sənədə əlavə olunmuş məktubunda yazır ki, ABŞ kəşfiyyat agentlikləri “təlatümlü və mürəkkəb” mühitə reaksiya verməkdən ötrü adaptasiya olmalıdırlar.

“Yerli və qlobal mühitdə ciddi dəyişikliklərlə üzləşirik. 21-ci əsrin problemləri ilə üzləşməyə hazır olmalı, yaranan təhdidləri və imkanları tanımalıyıq”, – Coats deyib.

O, ABŞ kəşfiyyatının agentliklər arasında əməkdaşlığı təkmilləşdirməsinin, daha innovativ olmasının vacibliyini vurğulayıb.

Coats deyir ki, agentliklər ictimaiyyətin onların işinə inamını qaldırmaqdan ötrü şəffaflığı artırmalıdırlar.

Hesabatda təhdidlər səviyyəsinə görə sıralanmır.

Ancaq birinci bölüm “ənənəvi düşmənlər”in yaratdığı təhdidlərə həsr olunub, bu düşmənlərin 2-ci Dünya Müharibəsindən sonrakı beynəlxalq düzənin zəifləməsindən, Qərbdə təcridetmə tendensiyalarının artmasından faydalandığı vurğulanır.

“Rusiyanın nüfuz və təsir dairəsini genişləndirmək cəhdlərinin artacağı görünür və bu, Birləşmiş Ştatların bir çox regionlarda məqsəd və prioritetləri ilə toqquşa bilər”, – hesabatda deyilir.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG