Keçid linkləri

Təcili xəbərlər
2019, 27 Mart, çərşənbə, Bakı vaxtı 04:08

ABŞ əsgərlərinin Suriyadan çıxarılması ‘başlanıb’


Suriyada ABŞ hərbi maşınları, arxiv fotosu

Birləşmiş Ştatların rəhbərlik etdiyi koalisiya Suriyadakı əsgərlərini çıxarmağa başlayıb. Bunu ordunun sözçüsü polkovnik Sean Ryan deyir.

Sözçü yanvarın 11-də yaydığı bəyanatında bildirir ki, “Suriyadan məqsədli çıxma prosesi başlanıb”. O, əlavə detal açıqlamayıb.

“Əməliyyat təhlükəsizliyi səbəbindən konkret vaxtı, məkanı və əsgərlərin hərəkətini müzakirə etməyəcəyik”, – Ryan vurğulayıb.

Britaniyada mənzillənən Suriya İnsan Haqlarını Müşahidə Təşkilatının məlumatına görə, ABŞ koalisiyası Suriyanın şimal-şərqindəki Hasake vilayətində Rmeylan aerodromunda qüvvələrini azaltmağa başlayıb.

Qurum ABŞ əsgərlərinin hərbi bazadan yanvarın 10-da çıxmağa başladığını bildirib, bunu “Amerika qüvvələrinin çıxarılması yönündə ilk addım” adlandırıb.

Prezident Donald Trump dekabrın 19-da elan edib ki, Suriyadakı 2 min ABŞ hərbçisini çıxarmaq istəyir.

Trump bu açıqlamanı türkiyəli həmkarı Recep Tayyip Erdogan-la telefon danışığından sonra verib. Ancaq bu qərar ABŞ-ın müttəfiqləri, elə öz administrasiyası tərəfindən tənqid olunub.

Günün bütün mövzuları

XS
SM
MD
LG