Keçid linkləri

Təcili xəbərlər
2019, 25 Aprel, Cümə axşamı, Bakı vaxtı 21:59

Rusiya və Ukrayna münaqişəsində yeni addım


5 yanvar 2019

Dünya xristianlarının dini rəhbəri Patriarx Varfolomey, rəsmi olaraq Ukrayna kilsəsini Rusiyadan azad edib. Ukrayna rəsmiləri bu tarixi hadisənin, ölkənin təhlükəsizliyi üçün əhəmiyyətli olduğunu hesab edirlər.

Kilsənin Rusiyadan sərbəst buraxılması haqda sərəncam, Ukrayna Mitropoliti Yepifaniy və Ukrayna prezidenti Pyotr Poroşenkonun iştirakı ilə İstanbulda Giorgi kilsəsində dünya Patriarxı tərəfindən imzalanıb.

Dünyada 300 milyon xristianın lideri sayılan Patriarx Varfolomey yeni kilsə haqqında xahişi hələ 2018-ci ilin oktyabr ayında təsdiq etmişdi.

Poroşenko bu hadisəni 1991-ci ildə Ukraynanın Sovet İttifaqından ayrılması üçün keçirilən referendumla müqayisə edib.

Bu addım öz növbəsində Moskvanın narazılığına səbəb olub. Vladimir Putin illik mətbuat konfransında bu dəyişikliyin yeni qanlı münaqişələrə səbəb olacağını deyib.

Rusiya və Ukrayna arasındakı diplomatik münasibətlər 2014-cü ildə Moskvanın Krımı ələ keçirilməsi ilə başlayıb. Ukrayna Kerç boğazındakı gəmilərinin Rusiya tərəfindən ələ keçirilməsindən sonra ölkədə hərbi vəziyyət elan edib.

Ukrayna provaslav kilsəsi yüz illərlə Moskvanın tabeliyi altında olub. Məhz bu səbəbdən Ukrayna hesab edir ki, Rusiya müdaxiləsi ilə mübarizədə kilsənin azad olması çox mühüm rol oynayır.

Günün bütün mövzuları

XS
SM
MD
LG