Britaniyanın Baş naziri Theresa May Breksit sazişini ölkə parlamentində təsdiqlətməyin yolunu tapacaq. Bunu Britaniyanın Xarici işlər naziri Jeremy Hunt bu gün – dekabrın 2-də Sinqapura səfəri zamanı deyib.
May dekabrda sazişin parlamentdə səsə qoyulmasını ertələdi, onun deputatlar tərəfindən qəbul olunmayacağını etiraf elədi. Sazişin yanvarın sonunda səsverməyə çıxarılacağı gözlənir və hazırda May Avropa Birliyindən daha çox təminat almağa çalışır.
“Theresa May masanın üstündəki sazişin bizi gömrük birliyində əbədi saxlamayacağına dair AB-dən təminat alan kimi... bu sazişi parlamentdən keçirməyin yolunu tapacaq”, – Hunt Sinqapurdakı çıxışından sonra suallara cavab verərkən deyib.
Avropa Birliyindən çıxmaqla bağlı ikinci səsvermənin keçirilməsinə gəlincə, Hunt deyib ki, bu, demokratiyaya zərbə vurar, AB-ni tərk etməməyin sosial fəsadları “fəlakətli olar”.
