"Bakı Metropoliteni" də sərnişinlərə yeni il sürprizi hazırlayıb.
Belə ki, retro vaqonların qoşulduğu iki qatar dekabrın 29-dan yanvarın 2-dək müəyyən edilmiş qrafiklə xəttə buraxılıb.
Qatarlardan birinə "A", o birinə isə "Q" tipli vaqon qoşulub.
Yeni ilin ovqatlı tamaşanı Qar qız başlayıb. O uşaqları salamladıqdan sonra, birlikdə Şaxta babanı səsləyiblər.
Uşaqların səsinə səs verən Şaxta baba sözü-söhbəti, tapmacaları, atalar sözləri və yanıltmacları ilə retro vaqonda əsl yeni il şənliyi ovqatı yaradıb.
Bakı Metropoliteninin mətbuat xidmətinin rəhbəri Bəxtiyar Məmmədov deyir ki, hər Yeni ildə sərnşinlərə bu cür müxtəlif əyləncələr hazırlayırlar.
Uşaqlardan şeir və nəğmə hədiyyələri alan Şaxta baba ilə Qar qız , balaca sərnişinlərə Yeni il sovqatları paylayıblar.
Qatarlardan biri səhər saat 10:40-da, digəri isə 17:30-da xətdə olur və Qırmızı xətt, "İçərişəhər-HəziAslanov" stansiyaları istiqamətində hərəkət edir.
Bayram günlərində “Bakı Metropoliteni” gücləndirilmiş iş rejimində çalışacaq. Şəhərdə ki, bayram şənlikləri ilə əlaqədar dekabrın 31-dən yanvarın 1-nə keçən gecə saat 2-dək stansiyalar sərnişinlərin üzünə açıq olacaq.