Keçid linkləri

2024, 29 May, çərşənbə, Bakı vaxtı 00:08

İslamçı yaraqlılara yarım milyon dollar göndərdikləri deyilir


Rusiyada yaraqlılara qarşı reyd, arxiv fotosu
Rusiyada yaraqlılara qarşı reyd, arxiv fotosu

Rusiya hüquq-mühafizə orqanları yeddi nəfəri Yaxın Şərqdə iki ekstremist təşkilata maliyyə dəstəyi verməkdə şübhəli bilərək saxladığını bildirir.

Rusiya İstintaq Komitəsi dekabrın 13-də bildirib ki, şübhəlilər Moskva regionunda və Şimali Qafqazın Çeçenistan, Dağıstan və İnquşetiya regionlarında saxlanıb.

Onlar İslam Dövləti (İŞİD) və Al-Nusra Cəbhəsi qruplaşmalarına 2010-cu ildən 2016-cı ilədək azı 38 milyon rubl (570 min dollar) göndərməkdə şübhəli bilinirlər.

Federal Təhlükəsizlik Xidməti (FSB) yeddi şübhəlinin İstintaq Komitəsi və Milli Qvardiya ilə birgə əməliyyat nəticəsində saxlandığını deyir.

Dekabrın 13-də İnquşetiya hakimiyyəti ötən gecə iki şübhəli terrorçunun öldürülməsi haqda məlumat yayıb. Onlardan biri Nazranda polisə qumbara atıbmış.

Hücum zamanı iki polis əməkdaşının yaralandığı vurğulanır.

Şimali Qafqazda zorakılıq halları tez-tez baş verir. Son vaxtlar islamçı yaraqlılar polisə, dövlət qulluqçularına, mötədil müsəlmanlara hücumları artırıblar.

2015-ci ilin iyunundan Şimali Qafqazdakı islamçı yaraqlılar İnternetdə yaydıqları videoda İŞİD-ə sadiqlik andı içiblər.

Rusiya 2 min vətəndaşının Suriyada İŞİD sıralarında döyüşdüyünü bildirir. Onların çoxu Şimali Qafqazdandır.

Regionda qanlı hadisələrin tez-tez baş verməsində mütəşəkkil cinayətkarlığın, biznes müharibələrinin, siyasi mübahisələrin, klanlararası rəqabətin də rolu var.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG