Keçid linkləri

Təcili xəbərlər
2020, 22 Oktyabr, Cümə axşamı, Bakı vaxtı 05:11

Milanda Azərbaycanda media azadlığı müzakirə edilib


E.Məmmədyarov və H.Dezir

Azərbaycanın xarici işlər naziri Elmar Məmmədyarov İtaliyanın Milan şəhərində ATƏT-in media azadlığı üzrə nümayəndəsi Harlem Dezir ilə görüşüb.

Bu haqda Azərbaycan Xarici İşlər Nazirliyinin mətbuat xidmətinin məlumatında bildirilir.

Görüşdə ATƏT-in ifadə və media azadlığı üzrə öhdəlikləri, eləcə də qarşılıqlı maraq doğuran digər məsələlərin əsas danışıq mövzusu olduğu deyilir: «ATƏT-in Media Azadlığı üzrə Nümayəndəsi ilə Azərbaycan arasında mövcud əməkdaşlıq münasibətlərinin perspektivləri üzrə fikir mübadiləsi aparılıb və bu istiqamətdə atıla biləcək mümkün addımlar müzakirə olunub».

XİN-in məlumatına görə, tərəflər həmçinin, yeni texnologiya vasitələrinin media və ifadə azadlığı üzrə inkişafa təsiri ətrafında fikir mübadiləsi aparıblar. Azərbaycanda media və ifadə azadlığından danışan E.Məmmədyarov ölkə əhalisinin 80%-nin internet istifadəçisi olduğunu vurğulayıb.

Beynəlxalq təşkilatlar və yerli hüquq müdafiəçiləri Azərbaycanda söz və ifadə azadlığının məhdudlaşdırıldığını, hakimiyyətin tənqidçilərini təqib etdiyini bildirirlər.

Siyasi hakimiyyət bu deyilənləri rədd edir.

Multimedia

XS
SM
MD
LG