Keçid linkləri

Təcili xəbərlər
2020, 21 Oktyabr, çərşənbə, Bakı vaxtı 06:05

Arizonadan Senatdakı yeri demokrat qazanıb


ABŞ-da seçki, 6 noyabr, 2018-ci il

ABŞ Konqresinə ötən həftə keçirilən seçkidən sonra Senatda taleyi qeyri-müəyyən qalmış yerlərdən birini Demokratlar Partiyasının üzvü qazanıb. Bunu noyabrın 12-də mediada açıqlanmış nəticələrə əsasən demək olar.

Arizonada səslərin sayılması başa çatıb. Televiziyalar Nümayəndələr Palatasının üzvü Kyrsten Sinema-nın qalib gəldiyini bildirir. Onun rəqibi, palata üzvü Martha McSally məğlubiyyətini etiraf edib.

Tarixən respublikaçılara meyllənmiş bu ştatda Sinemanın qələbəsi respublikaçıların konqresin yuxarı palatasında əldə etdiyi çoxluğa təsir göstərmir.

Amma Senatda daha iki yerin sahibi hələ də bilinmir. Floridadan demokrat senator Bill Nelson və respublikaçı qubernator Rick Scott arasında rəqabət dalana dirənib, bülletenlər yenidən sayılır.

Missisipidə isə noyabrın 27-də seçkinin ikinci turu keçiriləcək. Respublikaçı senator Cindy Hyde Smith daha çox respublikaçılara meyllənən bu ştatda favorit sayılır.

Arizonada Sinema səslərin 49,68, McSally isə 47,96 faizini yığıb.

XS
SM
MD
LG