Keçid linkləri

Təcili xəbərlər
2020, 25 Oktyabr, bazar, Bakı vaxtı 07:02

Əfqanıstan Moskva danışıqlarına qatılacaq


Əfqanıstanda dinc aksiya, Calalabad, 5 noyabr, 2018-ci il

Əfqanıstan bu ay Rusiyada keçiriləcək beynəlxalq sülh danışıqlarına nümayəndə heyəti göndərir.

Moskvada danışıqlar noyabrın 9-da keçiriləcək.

Bu arada Birləşmiş Ştatlar da Əfqanıstanda 17 ildir davam edən müharibəni bitirməkdən ötrü Taliban qruplaşmasını Kabillə danışıqlara cəlb etməyə çalışır.

Silahlılarla barışıq cəhdlərinə Əfqanıstanın Ali Sülh Şurası rəhbərlik edir. Qurum noyabrın 5-də bildirib ki, Moskvadakı toplantıya dörd təmsilçi göndərəcək.

Ancaq ölkənin Xarici İşlər Nazirliyi Rusiyadakı konfransa nümayəndə heyəti göndərib-göndərməyəcəyini açıqlamayıb. Nazirliyin sözçüsü Sebaghtullah Ahmadi deyib ki, Rusiya rəsmiləri ilə hələ də danışıqlar aparılır. “Əfqanıstanın rəhbərlik etdiyi istənilən sülh cəhdini alqışlayırıq”, – o bildirib.

Rusiya XİN noyabrın 3-də iddia etmişdi ki, həm Əfqanıstan Prezidenti Ashraf Ghani, həm də Qətərdəki Taliban görüşə nümayəndə heyətləri göndərəcək.

Talibanın sözçüsü Zabiullah Mujahid-in deməsinə görə, silahlı qruplaşma hələ də Moskvaya gedib-getməməyi götür-qoy edir.

XS
SM
MD
LG