Keçid linkləri

Təcili xəbərlər
2020, 25 Oktyabr, bazar, Bakı vaxtı 00:33

Təyyarədəki 189 nəfər ‘yəqin’ ölüb


Sərnişinlərin yaxınları

İndoneziyada havaya qalxandan az sonra dənizə düşmüş təyyarədəki 189 nəfərin “yəqin” həlak olduğu bildirilir.

Oktyabrın 29-da dənizin qəza etdiyi yerdə artıq insan cəsədləri aşkarlanıb.

“Fikrimcə, qəzadan sağ çıxan olmayıb, artıq qurbanlar aşkarlanır”, – axtarış və xilasetmə agentliyinin əməliyyat direktoru Bambang Suryo Aji reportyorlara deyib.

Boeing-737 MAX təyyarəsi Cakartada havaya qalxandan 13 dəqiqə sonra radardan itib.

Hələlik, qəzanın səbəbi barədə açıqlama verilmir.

***

İndoneziyanın Lion Air şirkətinə məxsus sərnişin təyyarəsi Sumatra adası yaxınlığında dənizə düşüb. 188 nəfərin olduğu təyyarədə salamat qalanların olub-olmadığı bilinmir. Təyyarə Cakartadan qalxıbmış.

“Təyyarənin qəza etdiyi təsdiqlənib”, – Milli Axtarış və Xilasetmə Agentliyinin sözçüsü Yusuf Latif oktyabrın 29-da səhər bildirib.

Flightradar 24 hava xidməti təyyarənin Boeing 737 MAX olduğunu bildirir.

737 MAX Boeig-in müasir, yanacağı qənaətlə işlədən versiyasıdır.

Bu model 2017-ci ildə istifadəyə verilib və bu, ilk qəzası sayılır.

Boeing şirkəti tvitində bildirib ki, məlumatlardan xəbərdardır, durumu “yaxından izləyir”.

İndoneziyada 17 mindən çox ada var, ərazisini daha çox hava nəqliyyatı bir-birinə bağlayır. Son illər bu ölkədə bir neçə ağır hava nəqliyyatı qəzası qeydə alınıb.

XS
SM
MD
LG