Keçid linkləri

2024, 29 Mart, Cümə, Bakı vaxtı 14:01

Azərbaycanda bərabərsizlik azalırmı – 116-cı yer


Bakı, arxiv fotosu
Bakı, arxiv fotosu

OXFAM humanitar təşkilatı 2018-ci il üzrə Bərabərsizliyin Azaldılması Öhdəliyi İndeksini açıqlayıb. Bu reytinq hökumətlərin varlılar və yoxsullar arasındakı fərqi azaltmaq yönündə gördüyü işləri dəyərləndirir.

Hazırda 157 ölkəni əhatələyən indeks, hökumətlərin sosial xərclər, vergi və əmək hüquqları ilə bağlı gördüyü işlərə qiymət verir. Bu üç məsələnin uçurumu azaltmaqdan ötrü vacib olduğu vurğulanır.

Azərbaycan 157 ölkə arasında 116-cı yerdədir. Qonşulardan Ermənistan 61, Gürcüstan 49, Rusiya 50-ci yerdə qərarlaşıb.

BİRLƏŞMİŞ ŞTATLAR DA TƏNQİD OLUNUR

Birləşmiş Ştatlar 23, Çexiya Respublikası 28-ci pillədədir.

Builki indeks Cənubi Koreya, Namibiya və Uruqvayın bərabəsizliyin azaldılmasından ötrü güclü addımlar atdığını üzə çıxarıb. Hindistan və Nigeriya isə ən pis göstəriciləri ortaya qoyurlar.

Zəngin ölkələr içində Birləşmiş Ştatların bərabərsizlik uçurumunu qapatmaqdan ötrü can-başla çalışmadığı qeyd edilir.

Ən yaxşı göstəriciləri ilə ilk beşliyi Danimarka, Almaniya, Finlandiya, Avstriya və Norveç tutub.

Siyahının dibində isə aşağıdan yuxarıya Nigeriya, Özbəkistan, Haiti, Çad və Sierra Leone gəlir.

Oxfam bildirir ki, neftlə zəngin Nigeriya uşaq ölümü səviyyəsini azalda bilməyib, hər 10 uşaqdan biri 15 yaşına çatmamış ölür, əmək hüquqları mütəmadi pozulur, varlılar vergidən yayınır.

Varlı ölkələrdən Sinqapur 149-cu yerdədir, əsas vergi göstəricisini 2 faiz qaldırıb, yuxarı həddi isə 22%-də saxlayıb.

Monqolustan isə qənaət proqramı çərçivəsində uşaq müavinətini kəsib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG