Keçid linkləri

2024, 19 Mart, çərşənbə axşamı, Bakı vaxtı 12:54

Danske Bank-ın rəhbəri istefa verir


Danske Bank-ın Kopenhagen ofisi
Danske Bank-ın Kopenhagen ofisi

Danske Bank-ın rəhbəri istefaya getditini bəyan edib.

“Estoniyada mümkün çirkli pulyuma məsələsində Danske Bank-ın öz məsuliyyətini yerinə yetirə bilmədiyi aydındır”,Thomas Borgen sentyabrın 19-da yaydığı bəyanatda deyib.

O, istefaya getdiyini bəyan edib.

Bankın yaydığı hesabatda deyilir ki, 2007-2015-ci illərdə gerçəkləşdirilmiş tranzaksiyaların “böyük əksəriyyəti şübhəli hesab olunub”. Çirkli pulların bankın Tallin filialı vasitəsliə Rusiya və digər keçmiş sovet ölkələrindən axdığı iddia olunur.

Thomas Borgen
Thomas Borgen

Kopenhagendə mənzillənən bank bildirir ki, “Estoniyanın qeyri-rezident müştərilərinin gerçəkləşdirdiyi şübhəli tranzaksiyaların dəqiq hesablamasını” apara bilmirlər. Ancaq o da bəllidir ki, Estoniya filialı vasitəsilə cəmi 200 milyard avro (234 milyard dollar), yəni ölkənin 2017-ci ildəki ÜDM-dən doqquz dəfə artıq vəsait yuyulub.

Bu pullar 15 min hesabdan keçib.

“Bu müştərilərin demək olar hamısı barədə hakimiyyətə bilgi verilib”, – bank vurğulayır.

Danske Bank-la bağlı Danimarka və Estoniyada artıq təhqiqat aparılır.

Məlumatlara görə, ABŞ-ın hüquq-mühafizə orqanları da bu işi nəzərdən keçirir.

***

Danimarkanın ən böyük bankı milyardlarla avronun Rusiya və keçmiş sovet ölkələri ərazisindən necə çıxarılmasına dair hesabat açıqlayacaq. Söhbət bankın Estoniyadakı filialı vasitəsilə çirkli pulyumadan gedir.

Danske Bank-ın bu gün açıqlayacağı hesabatda çirkli pulyumanın əsas problemlərindən, eləcə də Avropanın nizamlayıcı qurumlarının özəlliklə keçmiş sovet Baltik ölkələrində problemi önləyə bilməməsindən söz açılacaq.

Medianın bu yaxınlarda iddia etməsinə görə, Danske-nin Estoniya filialı vasitəsilə 150 milyard dollaradaək vəsaitin yuyulub.

“Wall Street Journal” bu ayın əvvəlində yazırdı ki, ABŞ-ın hüquq-mühafizə agentlikləri Danske Bank vasitəsilə çirkli pulyumanı araşdırır.

Bu ilin əvvəlində ABŞ hakimiyyəti Latviyanın ABLV bankını çirkli pulyumanı ört-basdır etməkdə suçlayıb. Bu banka ABŞ dolları verilmədi və o, iflas etdi.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG