Dünyada “ən güclü” pasport Sinqapurundur. Sentyabrın 6-da Arton Capital konsultasiya şirkəti Qlobal Pasport Gücü reytinqi 2018-i açıqlayıb.
Pasportun gücü neçə ölkəyə vizasız səyahət imkanı verdiyinə görə hesablanır.
Sinqapur pasportu 166 balla birinci yerdədir, 127 ölkəyə vizasız səyahət etmək mümkündür, 29 ölkə isə vizanı çatan kimi verir.
***Buna da bax: Hava limanında 'ASAN Viza' fəaliyyətə başlayıb
Almaniya, Danimarka, İsveç, Finlandiya, Luksemburq, Norveç, Niderland, Cənubi Koreya və Birləşmiş Ştatların pasportu isə 165 balla ikinci yeri tutub. Bu ölkələrin vətəndaşları 116-126 ölkəyə vizasız gedə bilirlər.
Azərbaycan pasportu 193 ölkə içində 60-cı yerdədir, 72 balı var, 35 ölkəylə vizasız getmək imkanı verir, 37 ölkəyə daxil olan kimi viza verilir.
Gürcüstan pasportu 114 balla 39-cudur, 73 ölkəyə vizasız getmək olur.
68 balla 63-cü olan Ermənistan pasportu isə 32 ölkəyə vizasız səyahət imkanı verir.
Rusiya pasportu ilə 79 ölkəyə vizasız getmək mümkündür.
