Keçid linkləri

2024, 28 Mart, Cümə axşamı, Bakı vaxtı 13:31

Assad orduya İdlibdə kimyəvi silahdan istifadəyə ‘icazə verib’


İdlibdə məcburi köçkün suriyalı qız
İdlibdə məcburi köçkün suriyalı qız

Suriya prezidenti Bashar al-Assad öz ordusuna İdlib vilayətinə hücum zamanı xlor da daxil olmaqla, kimyəvi silahdan istifadəyə icazə verib. Bu haqda “The Wall Street Journal” qəzeti Amerika kəşfiyyatındakı mənbələrə istinadla yazır.

Birləşmiş Ştatların müdafiə nazirliyi, kimyəvi silah tətbiq edərsə, Suriya hökumətinə qarşı cavab tədbirlərini hazırlayır. Prezidenti Donald Trump hələlik, necə reaksiya verməli olmalarını qərarlaşdırmayıb. Eyni zamanda Dəməşqlə ittifaq halında olan Rusiya və İran hərbçilərinə zərbələr endirməyə də qərar verilməyib.

VAŞİNQTON VARİANTLARA BAXIR

Məsələnin müzakirəsindən xəbərdar məmurların deməsinə görə, Trump Suriya ordusuna irimiqyaslı zərbə endirməklə hədələyib. Bu Assad-ın 3 milyon nəfərin yaşadığı vilayətdə kütləvi qan axıdılmasına imkan verəcəyi halda edilə bilər. Bu vilayətdə silahlı müxalifətin 70 min üzvü toplaşıb.

Bu ilin aprelində Duma şəhərinə də kimyəvi silah buraxıldığı iddia olundu
Bu ilin aprelində Duma şəhərinə də kimyəvi silah buraxıldığı iddia olundu

Vaşinqton qeyri-hərbi təzyiq vasitələrini də nəzərdən keçirir, məsələn, Suriya rəsmilərinə qarşı iqtisadi sanksiyalara baxılır. Bu haqda qəzeti prezident administrasiyasının yüksəkçinli rəsmisi danışıb.

Son iki il ərzində Trump administrasiyası Suriyanın infrastrukturunu iki dəfə vurub, bu zərbələrə onlarla dinc sakinin öldüyü kimyəvi hücumların səbəb olduğu bildirilib.

Bir həftə öncə Ağ ev Assadı hədələyib ki, İdlibdə kimyəvi silaha əl atılarsa, buna dərhal hərbi addımla cavab veriləcək. Ancaq WSJ yazır ki. Vaşinqton ən pis ssenaridən qaçmağa çalışır. Elə bu səbəbdən milli təhlükəsizlik müşaviri John Bolton və dövlət katibi Mike Pompeo Moskvanı inandırmağa çalışır ki, Assadın mümkün kimyəvi hücumlarını önləsin.

Rusiyanın Müdafiə Nazirliyi isə bu arada Suriya müxalifətinin provokasiyaya hazırlaşması versiyasını yayır. Kremlin fikrincə, bu, Qərb müttəfiqlərə Assad ordusuna zərbə endirməyə əsas verəcək.

Hüquq müdafiəçiləri son 3 gündə Suriyada onlarla dinc sakinin həlak olduğunu bildirir. Onların içində uşaqlar da var. Üç xəstəxana, iki mülki müdafiə mərkəzi dağıdılıb, minlərlə adam tibbi yardımsız qalıb.

BMT, Qərb ölkələri və Türkiyə Suriya hakimiyyətini və Rusiyanı İdlibə hücumla bağlı xəbərdar edib. Moskva və Dəməşq isə İdlibin Suriya hökumətinin nəzarətinə keçməsində israrlıdırlar.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG