“Forbes” jurnalının rus versiyası ən nüfuzlu rusiyalıların siyahısını hazırlayıb. Bu siyahıya məmurlar, biznesmenlər, dövlət şirkətlərinin, güc strukturlarının rəhbərləri daxildir.
Birinci yeri prezident Vladimir Putin tutur. Forbes bunun “avtomatik” baş verdiyini bildirir, çünki Putin Forbes-un amerikan versiyasında dünyanın ən nüfuzlu adamları siyahısında ikincidir.
Siyahıda ikinci yerdə Sberbankın rəhbəri German Gref, üçüncü yerdə isə Gazprom rəhbəri Aleksei Millerdir. Dördüncü yerdə Rosneft rəhbəri Igor Sechin, beşinci pillədə baş nazir Dmitry Medvedev durur.
Lukoil şirkətinin prezidenti, azərbaycanlı Vahid Ələkbərov siyahıda 10-cudur.
Çeçenistan respublikasının rəhbəri Ramzan Kadyrov 91-ci yeri tutub. Sonuncu, 100-cü pillədə LDPR rəhbəri Vladimir Jirinovsky-dir.
Ümumrusiya Dövlət Televiziya və Radio Şirkətinin baş direktoru Oleg Dobrodeyev 71-ci, “Birinci Kanal”ın rəhbəri Konstantin Ernest 73-cü yerdədir.
Ali Məhkəmənin sədri Vyacheslav Lebedev 74-cü pillədə qərarlaşıb.
Forbes-un siyahısına mədəniyyət, elm xadimlərindən, müxalifət fəallarından düşən olmayıb.
