Keçid linkləri

Təcili xəbərlər
2020, 04 Dekabr, Cümə, Bakı vaxtı 07:17

Müəllimliyə imtahan - 39 min namizəddən 4 mini qalıb


Foto arxiv

Müəllimliklə bağlı Təhsil Nazirliyinin keçirdiyi müsabiqə sona yaxınlaşır. Müsabiqəyə qoşulan 39 min 163 namizədin əksəriyyəti ələnib.

Təhsil Nazirliyinin məlumatına görə, test imtahanları və vakanasiya seçimindən sonra müəllimliyə cəmi 4 min 337 namizəd qalıb. Onlar müəllimlik müsabiqəsinin yekun – müsahibə mərhələsində iştirak edəcəklər.

Nazirlik Bakı şəhəri də daxil olmaqla, respublikada ümumi təhsil müəssisələri üzrə 7 mindən artıq vakant müəllim yerinin müsabiqəyə çıxarıldığını bildirir.

Avqustun 13-dən etibarən müsabiqənin müsahibə mərhələsinə start veriləcək. Bu mərhələdə namizədlərin peşəkar kompetensiyalarının, psixoloji hazırlığının və ümumi dünyagörüşünün yoxlanılacağı bildirilir.

Xatırlatma

Azərbaycanda müəllimlərin işə qəbulu 4 mərhələdə həyata keçirilir. İlkin mərhələdə müraciət edənlərin göstəriciləri qiymətləndirilir. Daha sonra test imtahanı keçirilir. Vakant yerlərin seçilməsi mərhələsindən sonra isə sonuncu mərhələ - müsahibə başlayır.

XS
SM
MD
LG