Keçid linkləri

2024, 29 Mart, Cümə, Bakı vaxtı 05:28

Kocharian-ın məhkəməsi bu gün davam edəcək


Robert Kocharian, 20 mart, 2008-ci il
Robert Kocharian, 20 mart, 2008-ci il

Apellyasiya şikayətinə baxılması bu gün – avqustun 10-da davam edəcək.

Kocharian-ın vəkili Ayk Alumyan AzadlıqRadiosu-nun əməkdaşına deyib ki, prosesin ertələnməsinin səbəbi tərəflərin arqumentlərini təqdim edə bilməməsidir.

***

Bu gün - avqustun 9-da Apellyasiya Məhkəməsi Ermənistanın keçmiş prezidenti Robert Kocharian-ın həbsindən verilmiş şikayətə baxır. Qapalı keçirilən iclasın bir neçə saat çəkəcəyi gözlənir.

AzadlıqRadiosu-nun erməni xidmətinin müxbiri xəbər verir ki, vəkilləri prosesin başlamasına 10 dəqiqə qalmış məhkəməyə gəliblər. Kocharian özü isə onlardan qabaq gəlib.

Məhkəmə iki vəsatətə baxır – keçmiş prezident barəsində birinci instansiya məhkəməsi qəraının ləğvinə və onun azadlığa buraxılmasına və ikincisi, onun zaminə buraxılmasına.

Parlamentin 40-dan artıq deputatı Kocharian-ın azadlığa buraxılmasına zamin dursa da, onlardan heç birinin məhkəməyə gəlmədiyi xəbər verilir.

***

Avqustun 8-də isə Ermənistanın Baş Prokurorluğu keçmiş prezident Robert Kocharian barəsində həbs qətimkan tədbirini dəyişdirməyib. Bu ərizə parlament deputatlarının zəmanətilə verilmişdi.

Məlumatı AzadlıqRadiosu-nun erməni xidməti yayıb.

Prokurorluq hesab edir ki, indiki mərhələdə ilkin istintaqın Kocharian-ı həbsdə saxlamaq üçün əsasları var.

Kocharian-ın vəkilləri məlumatı şərh etməyiblər, prokurorluğun qərarını əldə edəndən sonra bu barədə danışacaqlarını deyiblər.

Zəmanətlə parlamentin 45 deputatı çıxış edib. Onların əksəriyyəti Ermənistan Respublikaçı Partiyasının üzvləridir.

Robert Kocharian 2008-ci il prezident seçkisindən sonrakı etirazlar zamanı hakimiyyəti ələ keçirməkdə və konstitusion quruluşu devirmək cəhdində suçlanır.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG