Keçid linkləri

Təcili xəbərlər
2020, 26 Oktyabr, Bazar ertəsi, Bakı vaxtı 17:37

Tatar fəal özünü yandırıb


Hadisə yeri

Krımın paytaxtı Simferopolda tatar fəal özünü yandırıb. O, Rusiyanın təyin etdiyi hakimiyyətin Krım tatarlarının evləri yerləşən torpaqlarda yaşayış binaları tikmək planlarına etiraz edib.

Vatan Karabash adlı fəal avqustun 3-də üstünə benzin tökərək od vurub, “hakimiyyətin özbaşınalığı”na etiraz şüarı səsləndirib.

Yoldan keçənlər Karabash-ı dərhal yerə yıxaraq alovu söndürüblər.

Onun vəziyyətinin necə olduğu, hələlik, bəlli deyil.

9 MİN AİLƏ ÜÇÜN MƏNZİL İNŞA OLUNACAQ

Avqustun 2-də polis Simferopol yaxınlığındakı Strelkovayada bina tikmək planlarına etiraz edənləri dağıdıb.

Vatan Karabash
Vatan Karabash

Rusiya hakimiyyəti bu ilin əvvəlində elan edib ki, ərazidə “Krım Qızılgülü” adlı yeni yaşayış məskəni salınacaq, 9 min ailə üçün mənzillər inşa olunacaq.

Yerli tatarlar onların evlərinin də sökülə biləcəyindən narahatlıq bildiriblər.

Krım tatarları 1980-ci illərin sonunda və 90-cı illərin əvvəllərində Orta Asiyadan qayıdandan sonra ərazidə evlər salıblar. Onlar 1944-cü ildə sovet diktatoru Josef Stalin tərəfindən deportasiya olunublar.

Evlərin çoxu rəsmi icazəsiz tikilib.

Yaşayış binalarını tikəcək Monolit şirkəti ötən ay bildirib ki, “bəzi evlərin qanuniliyi məsələsi qalmaqdadır”.

Rusiya 2014-cü ilin martında Ukraynanın Krım vilayətini ilhaq edib. BMT-nin 100 ölkəsi bunu beynəlxalq qanun pozuntusu adlandırıb.

Rusiya Krımı tutması və Ukraynanın şərqində separatçıları dəstəkləməsinə görə ABŞ, Avropa Birliyinin sanksiyalarına məruz qalıb.

XS
SM
MD
LG