Keçid linkləri

2024, 28 Mart, Cümə axşamı, Bakı vaxtı 13:21

ABŞ Türkiyəni sanksiyalarla hədələyir


Keşiş Andrew Brunson
Keşiş Andrew Brunson

ABŞ prezidenti Donald Trump deyib ki, Türkiyə hakimiyyət orqanları ev məhbusluğunda olan Amerika keşişini azad etməzsə, Vaşinqton Ankara üzərinə “geniş sanksiyalar” qoymağa hazırdır:

"Birləşmiş Ştatlar keşiş, böyük xristian, ailə adamı və gözəl insan keşiş Andrew Brunson-un uzun müddətdən bəri davam edən məhbusluğuna son qoymasa, Türkiyə üzərinə geniş sanksiyalar qoyacaq”.

Trump bu barədə yazıb: "O çox əzab çəkir. Bu günahsız iman sahibi dərhal azad edilməlidir!”

Trump-ın bu bəyanatından əvvəl vise-prezident Mike Pence Türkiyəni “əhəmiyyətli sanksiyalarla” hədələyən bəyanat vermişdi.

"Mənim prezident Erdoğana və Türkiyə hökumətinə Amerika Birləşmiş Ştatlarının prezidentindən mesajım var: Pastor Andrew Brunson-u dərhal azad edin, ya da bunun nəticələrinə hazırlaşın”.

Türkiyədə son 20 ildə işləmiş Brunson 2016-cı ilin uğursuz hərbi çevriliş cəhdindən sonra terrorizm və casusluq ittihamı ilə həbs olunub.

Brunson barədə həbs qətimkan tədbiri iyulun 25-də ev məhbusluğu ilə əvəz edilib.

Dövlət katibi Mike Pompeo deyib ki, ev məhbusluğu kifayət deyil və Ankara onun Türkiyəni tərk etməsinə imkan yaratmalıdır.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG