Keçid linkləri

2024, 19 Mart, çərşənbə axşamı, Bakı vaxtı 08:31

Əfqanıstan prezidenti Taliban liderinin öldürüldüyünü təsdiq edir


Mullah Fazlullah
Mullah Fazlullah

Əfqanıstan prezidenti Ashraf Ghani Pakistan Talibanının lideri Molla Fazlullah-ın öldürüldüyünü təsdiq edib və bu hadisəni Kabil və İslamabad arasında “etimadın yaradılmasında böyük addım” adlandırıb.

Ghani bu bəyanatı iyunun 15-də Twitter-də verib. O yazır ki, Pakistanın baş naziri Nasirul Mulk-lə və Pakistan ordusunun baş komandanı general Qamar Javed Bajwa ilə danışıb və onlar Molla Fazlullah-ın ölümü faktını təsdiq ediblər:

"Onun ölümü Əfqanıstan təhlükəsizlik agentliklərinin yorulmaz kəşfiyyat fəaliyyətininin nəticəsidir”.

***

Pentaqon rəsmiləri bildirir ki, Əfqanıstanın Pakistanla sərhəddə yerləşən vilayətində Taliban lideri hədəfə alınıb. Təsdiqlənməmiş məlumatlara görə, lider öldürülüb.

ABŞ ordu rəsmiləri iyunun 14-də yerli mediaya deyiblər ki, terrorçu təşkilat sayılan Tehrik-e-Taliban Pakistan, yaxud TTP-nin lideri Mullah Maulana Fazlullah dron əməliyyatında hədəfə alınıb. Əməliyyat iyunun 13-də sərhədə yaxın Kunar vilayətində gerçəkləşdirilib.

Anonim danışan rəsmilər Fazlullah-ın taleyinin bəlli olmadığını deyiblər, əməliyyatın uğurlu keçib-keçmədiyini də açıqlamayıblar.

Ancaq iyunun 14-də yayılmış məlumata görə, o öldürülüb.

TPP 2012-ci ilin oktyabrında Malala Yousafzai-nın güllələnməsinə görə də məsuliyyət daşıyır. Malala sonradan Nobel sülh mükafatı aldı, qızların təhsili uğrunda mübarizənin simvoluna çevrildi.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG