Keçid linkləri

Təcili xəbərlər
2018, 11 Dekabr, çərşənbə axşamı, Bakı vaxtı 14:47

İttiham verilmiş Rusiya şirkəti ABŞ-ı suçlayır


İllüstrativ foto

Birləşmiş Ştatların ittiham irəli sürdüyü Rusiya şirkəti xüsusi prokuror Robert Mueller-i “cinayət uydurmaqda”, İnternetdə “azad sözü” kriminallaşdırmaqda suçlayıb. Concord konsultasiya şirkətinə Rusiyanın ABŞ-da seçkiyə iddia olunan müdaxiləsi üzrə aparılan istintaq çərçivəsində ittiham irəli sürülmüşdü.

Şirkət mayın 14-də Vaşinqtonda məhkəmə iddiası qaldırıb, Mueller-in ittihamını rədd edib. Rusiya prezidenti Vladimir Putin-ə yaxın şəxsin rəhbərlik etdiyi Concord 2016-cı ildə gizli sosial media kampaniyasını maliyyələşdirməklə ABŞ hökumətini aldatmaqda suçlanır. İttihama görə, kampaniyanın məqsədi respublikaçı Donald Trump-ın prezident seçilməsinə yardım etmək olub.

Concord-a irəli sürülmüş ittihamdan deyilir ki, o, Sankt Peterburqda yerləşən Rusiya trol fabrikini maliyyələşdirib. Şirkətin rəhbəri “Putinin aşpazı” kimi tanınan biznesmen Yevgeny Prigozhin-dir.

Vəkilləri iddiada yazıblar ki, indiyədək Ədliyyə Departamenti xarici korporasiyanı Amerika siyasətinə müdaxilədə suçlayan cinayət işi açmayıb, çünki “federal cinayət məcəlləsində belə bir cinayət mövcud deyil”.

Günün bütün mövzuları

XS
SM
MD
LG