Keçid linkləri

Təcili xəbərlər
2021, 12 İyun, şənbə, Bakı vaxtı 18:26

Suriya danışıqlarının 9-cu raundu başlanıb


Astana danışıqları, arxiv fotosu

İran, Rusiya və Türkiyənin təşkilatçılığı ilə Suriya sülh danışıqlarının 9-cu raundu mayın 14-də Qazaxıstan paytaxtı Astanada başlanıb.

Qazaxıstan Xarici İşlər Nazirliyinin sözçüsü Anuar Zhainaqov mayın 14-də jurnalistlərə deyib ki, BMT-nin Suriya üzrə xüsusi elçisi Staffan de Mistura da Astana danışıqlarına qatılacaq, Suriya silahlı müxalifətinin nümayəndə heyəti isə mayın 15-də gəlməlidir.

Zhainaqov Birləşmiş Ştatların danışıqlarda iştirak etmədiyini söyləyib.

ABŞ daha öncə bu danışıqlara qatılırdı.

Rusiya prezidentinin Suriya üzrə elçisi Aleksandr Lavrentyev mayın 14-də deyib ki, Moskva Vaşinqtonun danışıqlarda iştirakına ümid bəsləyir.

Astana danışıqlarından savayı BMT-nin sponsorluğuyla Cenevrədə Suriya danışıqları aparılır. Həmin danışıqlarda adətən, Suriya hökuməti və üsyançı qrupların təmsilçiləri iştirak edir.

Suriya müharibəsində Rusiyayla İran Bashar al-Assad hökumətini, Türkiyə və Birləşmiş Ştatlar isə fərqli üsyançı qrupları dəstəkləyir.

İndiyədək müharibədə 330 mindən çox adam həlak olub, milyonlarla suriyalı evindən didərgin düşüb.

XS
SM
MD
LG