Keçid linkləri

Təcili xəbərlər
2018, 25 İyun, Bazar ertəsi, Bakı vaxtı 21:13

Daha bir AXCP üzvünün narkotikdə ittiham olunduğu deyilir


M.Seyidov

Azərbaycan Xalq Cəbhəsi Partiyasının (AXCP) daha bir fəalı, milli azadlıq hərəkatının iştirakçılarından Mirfeyzulla Seyidova Cinayət Məcəlləsinin 234.4.3 (qanunsuz olaraq narkotik vasitələr hazırlama, istehsal etmə və ya satma ) maddəsi ilə ittiham verildiyi bildirilir.

Bu barədə AXCP-dən məlumat yayıblar.

Verilən məlumata görə, mayın 10-da Nərimanov Rayon Məhkəməsi onun barəsində həbs-qətimkan tədbiri seçib və oradan birbaşa Kürdəxanıdakı 1 saylı Bakı İstintaq Təcridxanasına köçürülüb.

Ancaq bu məlumatı Nərimanov Rayon Məhkəməsindən dəqiqləşdirmək mümkün olmayıb.

M.Seyidovun mayın 9-da saxlandığı bildirilir. Partiyanın yaydığı məlumata görə, onun ailəsinə bu barədə yalnız mayın 10-da Nərimanov Rayon Polis İdarəsindən məlumat veriblər. Məlumatda vurğulanır ki, ancaq onda saxlanmanın səbəbini aydınlaşdırmaq mümkün olmayıb.

Xalq hərəkatının və AXCP-nin fəallarından olan M.Seyidovun uzun zamandır dializ (böyrək) xəstəsi olduğu açıqlanıb. Partiya ittihamı əsassız sayır.

Sözügedən ittiham sübut olunarsa, cəbhəçiyə əmlakı müsadirə olunmaqla 5 ildən 12 ilədək müddətə azadlıqdan məhrum etmə cəzası verilə bilər.

Xatırlatma

Mayın 6-da isə AXCP fəalı Orxan Baxışlının saxlandığı bildirilir. Partiyadan verilən məlumata görə, qanunsuz olaraq narkotik vasitələr hazırlama, istehsal etmə və ya satmada ittiham edilən gənc istintaq dövründə 4 ay həbs edilib.

Ancaq bu məlumatı da məhkəmə orqanlarından dəqiqləşdirmək mümkün olmayıb.

Partiya onun şərləndiyini bəyan edib.

Hazırda AXCP-nin 10-dan çox üzvü uzunmüddətli həbsdədir. Hüquq-müdafiə təşkilatları onları siyasi məhbus sayırlar.

Hakimiyyət rəsmilərim isə ölkədə siyasi məhbus olması fikrini qəbul etmirlər. Onlar deyirlər ki, siyasi məhbus sayılan şəxslər konkret törətdikləri əmələ görə məsuliyyətə cəlb ediliblər.

Günün bütün mövzuları

XS
SM
MD
LG