Keçid linkləri

Təcili xəbərlər
2018, 25 Sentyabr, çərşənbə axşamı, Bakı vaxtı 03:15

Erdogan-la Netanyahu bir-birini təhqir etdilər


Recep Tayyip Erdogan, arxiv fotosu

Türkiyə prezidenti Recep Tayyip Erdogan və İsrailin baş naziri Benjamin Netanyahu Qəzzə zolağındakı son toqquşmalara görə bir-birini təhqir edib. Həmin toqquşmalarda azı 15 fələstinli öldürülüb.

Aprelin 1-də Erdogan İsrailin sərhəddəki nümayişə hərbi güclə reaksiyasını pisləyib, Netanyahu-nu “terrorçu” adlandırıb.

“Siz işğalçısınız və hal-hazırda həmin torpaqlarda işğalçı kimi təmsil olunursunuz. Siz eyni zamanda terrorçusunuz”, – Erdogan deyib.

Erdoganın çıxışından öncə isə Netanyahu Twitter-də yazıb ki, “illərdir dinc əhalini bombardman edənlər” İsral ordusuna dərs keçə bilməz.

Benjamin Netanyahu, arxiv fotosu
Benjamin Netanyahu, arxiv fotosu

Netanyahu Erdogan-ın aprelin 1-də etdiyi başqa bir çıxışa eyham vurub. Türkiyə prezidenti həmin çıxışında İsrailin “qeyri-insani hücum”unu pisləmişdi.

Erdogan İsraili “terror dövləti” adlandırıb və deyib: “Dünyada sizi sevən kimsə yoxdur”.

Netanyahu isə Erdogan-ı “kürd kəndlilərini bombalayan” şəxs adlandırıb. Qeyd edək ki, Türkiyə ordusu Suriyanın şimalında kürd yaraqlılara qarşı əməliyyatlar aparır.

Martın 30-da Qəzzə sərhədindəki nümayişlər zamanı İsrail qüvvələri zorakılıq edənlərə atəş açıb, 15 nəfər öldürülüb. İsrail ölənlərdən 8-nin özünün və Qərbin terrorçu kimi tanıdığı Hamas qruplaşmasına, ikisinin digər yaraqlı fraksiyalara aid olduğunu bildirib.

Hamas isə öldürülənlərdən ikisinin qruplaşmanın silahlı qanadının üzvləri olduğunu deyib.

Günün bütün mövzuları

XS
SM
MD
LG