Keçid linkləri

Təcili xəbərlər
2018, 23 İyul, Bazar ertəsi, Bakı vaxtı 12:12

Azərbaycanda əhalinin 84 faizinin suyu var


Ucar rayonu, arxiv fotosu

Evinə yaxın təmiz suyu olmayan adamların sayı artır. “WaterAid” qeyri-hökumət təşkilatı dünyada suyun vəziyyətinə dair hesabat açıqlayıb.

Hazırda dünyada 844 milyon nəfər təhlükəsiz su əldə etməkdən ötrü azı 30 dəqiqə yol getməli olur. Bu say öncəki hesablamadan 200 milyon nəfər çoxdur.

Hesabata görə, Azərbaycanda əhalinin 84,3 faizinin əsas su mənbəyinə çıxışı var. Ermənistanda bu göstərici 98,9, Gürcüstanda 93,2, Rusiyada 96,3, İranda 94,8 faizdir.

Təhlükəsiz su yoxlanmış, evlərə boruyla çəkilmiş, gərəkəndə “əl altında” olan sudur. Dünya əhalisinin 5,2 milyard nəfərinin, yaxud 71 faizinin belə bir xidmətə çıxışı var.

Dünyada 1,3 milyard nəfərin isə əsas su xidmətinə çıxışı mövcuddur. Bu su boruyla çəkilib, mühafizə olunan quyularda, bulaqlardadır, yaxud da yağış suyundan ibarətdir, 30 dəqiqəlik yol qət edərək onu əldə etmək olur.

Məhdud su xidməti isə 30 dəqiqədən artıq yol getməklə əldə olunan sudur, bu zaman kəsiminə növbəyə dayanmaq da daxildir.

Yerüstü su kanalları kateqoriyasına daxil çay, bənd, göl, gölməçə, kanal suları isə birbaşa xəstəlik mənbəyi sayılır.

Təmiz suya ən az çıxış olan ölkələr Hindistan, Efiopiya və Nigeriyadır.

Günün bütün mövzuları

XS
SM
MD
LG