Keçid linkləri

Təcili xəbərlər
2018, 24 Sentyabr, Bazar ertəsi, Bakı vaxtı 15:04

Dogan Media Group Erdogan-ın dostuna satılır


Recep Tayyip Erdogan

Türkiyənin ən böyük media holdinqlərindən birinin prezident Recep Tayyip Erdogan-a yaxın maqnata satılması üçün danışıqlar başlanıb. Bu, Türkiyədə hökumətin mətbuat üzərində nəzarətini daha da gücləndirə biləcəyi sarıdan narahatlığı artırıb.

Dogan Holding martın 22-də yaydığı bəyanatda bildirib ki, Dogan Media Group-un Erdogan Demiroren-in Demiroren Group-na 1 milyard dollara satılması üzrə danışıqlar başlanıb.

*** Buna da bax: Erdoğan sultan Abdulhamidi niyə ‘dirildir?’

Türkiyənin əksər tanınmış media orqanları Dogan Media Group-un tərkibindədir. Buraya Hurriyet qəzeti, Fanatik idman qəzeti, CNN-Turk xəbər xidməti, Kanal-D televiziyası daxildir.

CNN-Turk və Hurriyet hökumətə qarşı çıxmasa da, son illər redaktə siyasətində nisbətən müstəqil olublar. Demiroren Holding isə prezident Erdogan-a dostyana münasibətiylə seçilir.

Bu arada Türkiyə parlamenti martın 21-də xəbər yayımçıları daxil olmaqla, bütün onlayn yayım platformalarının ölkənin yayım şurasının nəzarətinə verilməsini nəzərdə tutan qanunvericilik qəbul edib.

Erdogan-ın hakim Ədalət və İnkişaf Partiyasının (AKP) hazırladığı bu qanun onlayn yayım üçün şuradan lisenziya almağı tələb edir.

*** Buna da bax: BMT Türkiyəni fövqəladə vəziyyətə son qoymağa çağırır

Müxalifət bu addımı “senzura” adlandırıb.

2016-cı ilin uğursuz çevriliş cəhdindən sonra Türkiyədə onlarla jurnalist həbs olunub.

Günün bütün mövzuları

XS
SM
MD
LG