Milli Televiziya və Radio Yayım Şurası noyabrın 24-də ANS ÇM radiosunun və ANS televiziyasının lisenziya müddətinin uzadılmaması və onların yayımının dayandırılması haqqında qərar qəbul edib. Şuradan verilən məlumata görə, noyabrın 24-ü saat 15-dən televiziya və radionun yayımı dayandırılacaq. Həmin tezlikdə başqa televiziya və radionun yayımlanması üçün müsabiqə elan olunub.
Milli Televiziya və Radio Yayım Şurası bunu ANS televiziya və radiosunun indiyədək olunan xəbərdarlıq və iradları nəzərə almaması ilə izah edir.
