Keçid linkləri

Təcili xəbərlər
2021, 20 İyun, bazar, Bakı vaxtı 02:58

Poroshenko Yanukovych-in məhkəməsində ifadə verir - YENİLƏNİB


Avromaydan etirazlarının ildönümü, 20 fevral, 2018-ci il

Hal hazırda Petro Poroshenko keçmiş prezident Viktor Yanukovych-in Kiyevdə keçirilən məhkəməsində videolink vasitəsiylə ifadə verir.

Hakim Vladyslav Devyatko prezident administrasiyasına Obolon Dairə Məhkəməsində keçirilən proseslə videoəlaqə yaratmaq göstərişi verib.

***

Fevralın 21-də Ukrayna prezidenti Petro Poroshenko vəzifəsindən devrilmiş sələfi Viktor Yanukovych-in vətənə xəyanət ittihamıyla Kiyevdə keçirilən qiyabi məhkəməsində ifadə verəcək.

Rusiyapərəst Yanukovych dörd il öncəki Avromaydan etirazlarının sonunda Rusiyaya qaçıb.

Avromaydan hərəkatı 2013-cü ilin noyabrında başlanıb, etirazçılar Kiyevin mərkəzinə toplaşıb. Səbəb Yanukovych-in Avropa Birliyi ilə Assosiasiya Sazişinin imzalanmasını ertələdiyini, Rusiyayla daha sıx iqtisadi əlaqələrlə bağlı planlarını açıqlamasıydı.

Ukraynada müstəntiqlər etirazlarda 104 nəfərin öldürüldüyünü, 2 min 500 nəfərin yaralandığını deyir.

Moskva isə Avromaydan hərəkatına həmin ilin martında Ukraynanın Krım yarımadasını ilhaq etməklə reaksiya verdi. Ölkənin şərqində qızışdırılan separatçılıq indiyədək 10 min nəfərin həyatına son qoyub, 1,6 milyondan çox ukraynalı evindən didərgin düşüb.

XS
SM
MD
LG