İranda xilasedicilər təyyarənin qəzaya düşdüyü yerə çatıblar, İranın Press TV-si fevralın 19-da bu haqda yazıb.
Rəsmilər təyyarədəki 65 nəfərin həlak olduğunu bildirir.
Dövlət televiziyasının məlumatına görə, vertolyotlar indi təyyarənin axtarışına qoşula biləcəklər. Fevralın 18-də pis hava şəraiti axtarış cəhdlərini əngəlləmişdi.
Press TV xilasedicilərin fevralın 19-da səhər qəza yerinə yetişdiyini xəbərləyib.
ATR-72 təyyarəsi fevralın 18-də səhər Tehrandan çıxıb, Yəsuc şəhərinə doğru yol alıb. Təyyarə 25 il idi istismar olunurdu.