Keçid linkləri

Təcili xəbərlər
2018, 14 Dekabr, Cümə, Bakı vaxtı 13:38

Günəş tutulması gözlənir


Günəş tutulması

Bu gün 2018-ci ilin ilk Günəş tutulmasının baş verəcəyi gözlənir.

Azərbaycan Milli Elmlər Akademiyasının Şamaxı Astrofizika Rəsədxanasından verilən məlumata görə, ilin ilk Günəş tutulması fevralın 15-də Bakı vaxtı ilə saat 22:55-də başlayacaq.

Tutulma prosesinin saat 02:47-dək davam edəcəyi vurğulanır.

Təbiət hadisəsinin Sakit və Atlantik okeanın hövzələrini, həmçinin Cənubi Amerikanın cənub hissəsini və Antarktidanı əhatə edəcəyi bildirilir.

Ümumilikdə 2018-ci ildə 3 Günəş tutulması (qismən tutulma) baş verməlidir. Həmin tutulmalardan ikisinin cənub, birinin isə şimal yarımkürəsinə düşəcəyi gözlənir.

«Bu il iyulun 13-də Bakı vaxtı ilə saat 05:48-dən 08:13-dək baş verəcək digər Günəş tutulması Sakit və Hind okeanı hövzələrində, eləcə də Avstraliyanın cənub hissəsində, Antarktidada müşahidə olunacaq. Sonuncu Günəş tutulması isə avqustun 11-də Bakı vaxtı ilə 12:02-dən 15:30-dək baş verəcək. Tutulma Rusiyanın şimal-şərqini, Şimali Amerika, Skandinaviya və Çini əhatə edəcək», - məlumatda vurğulanır.

Bu il yanvarın 31-də ilin ilk Ay tutulması hadisəsi baş vermişdi.

Ay tutulması Bakı vaxtı ilə saat 15:48-də başlayıb, 17:29-da maksimum səviyyədə olub, 19:11-də isə başa çatmışdı.

Günün bütün mövzuları

XS
SM
MD
LG