Keçid linkləri

Təcili xəbərlər
2018, 22 Fevral, Cümə axşamı, Bakı vaxtı 01:14

Paris hücumunda şübhəlinin məhkəməsi başlanır


Salah Abdeslam məhkəmə başlanmazdan öncə

2015-ci ildə Parisdə törədilmiş hücumda əsas şübhəlinin məhkəməsi başlanır. Məhkəmə fevralın 5-də şübhəli Salah Abdeslam-ın doğma Brüssel şəhərində start götürüb.

O, məhkəmədə sualları cavablandırmayacağını deyib, hakim ittihamnaməni oxuyanda ayağa durmaqdan imtina edib.

Abdeslam saxlanandan bəri ictimaiyyət arasında ilk dəfə görünür. 2015-ci il noyabrın 3-də Parisdə Bataclan konsert zalında, yaxınlıqdakı bar, restoranlarda və stadionda törədilən hücumlarda 130 nəfər öldürülmüşdü. Polis əsas şübhəlini dörd aylıq beynəlxalq axtarışlardan sonra ələ keçirib.

Hücuma görə məsuliyyəti İslam dövləti (İŞİD) ekstremist qrupu üzərinə götürüb. 2016-cı ilin martında Brüsseldə 32 nəfərin ölümüylə sonuclanmış hücuma görə də İŞİD məsuliyyət daşıdığını bildirib.

Bu məhkəmə prosesində Abdeslam və onunla birlikdə təqsirləndirilən tunisli Sofien Ayari 40 ilədək həbsə məhkum edilə bilərlər. Onlar 2016-cı ilin martında Brüsseldə yaxınlığında reyd keçirən polisə atəş açmaqda ittiham olunurlar.

Abdeslam Paris hücumuyla bağlı gələn il Fransada mühakimə olunacaq.

Günün bütün mövzuları

XS
SM
MD
LG