Keçid linkləri

Təcili xəbərlər
2018, 17 Oktyabr, çərşənbə, Bakı vaxtı 15:23

Polisin hüquqları artırılır və mətbuata yeni cəzalar gəlir


Milli Məclis

Kütləvi informasiya vasitələri haqqında” qanuna yeni dəyişikliklər təklif edildiyi bildirilir. Dəyişikliklərin jurnalist adından sui-istifadə hallarının qarşısının alınması ilə əsaslandırıldığı qeyd edilir.

APA-nin xəbərinə görə, dəyişiklik layihəsində təklif edilir ki, inzibati tənbeh almış mətbu nəşr bir il ərzində jurnalist adından sui-istifadəyə təkrar yol verərsə, fəaliyyəti dayandırılsın.

Xəbərdə bildirilir ki, bununla bağlı “Kütləvi informasiya vasitələri haqqında” qanunun 19-cu maddəsinə əlavələr təklif edilir. Həmin maddə kütləvi informasiya vasitəsinin istehsalının, yayımının dayandırılması və ya ona xitam verilməsi qaydalarını müəyyən edir.

Buna da bax: Jurnalistə səyahət qadağasını qaldırmağa çağırırlar

Layihədə kütləvi informasiya azadlığından və ya jurnalist hüququndan sui-istifadə etməyə görə inzibati məsuliyyətə cəlb edilmiş mətbu nəşrin təkrar pozuntuya yol verdikdə, daha ağır cəzalandırılması nəzərdə tutulur. Mətbu nəşr il ərzində iki dəfə pozuntuya yol versə, həmin mətbu nəşrin fəaliyyətinin iki ay müddətində dayandırılması barədə məhkəmə qarşısında iddia qaldırılacağı vurğulanır.

Parlament layihəni dekabrın 15-də keçiriləcək plenar iclasda müzakirə etməlidir.

Buna da bax: AzadlıqRadiosu-nun şikayəti təmin olunmadı [yenilənib]

Polisin hüquqları artır

Azərbaycanda polisin ictimai qaydanı və təhlükəsizliyi təmin etmə ilə bağlı hüquqlarının da artırılacağı bildirilir.

Agentliyin məlumatına görə, bununla bağlı "Polis haqqında qanun"un 18-ci (İctimai qaydanın və ictimai təhlükəsizliyin təmin edilməsi sahəsində polis əməkdaşının hüquqları) maddəsinə dəyişiklik təklif edilir. Dəyişikliyə əsasən inzibati xəta törətmiş şəxs barəsində eyni zamanda axtarış aparmaq da polisin hüquqlarına aid olacaq.

Buna da bax: Məhkəmə müstəqil saytları blokladı [yenilənir]

Bu layihənin də dekabrın 15-də keçiriləcək plenar iclasda müzakirəyə çıxarılacağı gözlənir.

Günün bütün mövzuları

XS
SM
MD
LG