Keçid linkləri

2017, 19 Dekabr, çərşənbə axşamı, Bakı vaxtı 02:26

Avropa Şurası Rusiyaya sanksiyaları qaldırmağı nəzərdən keçirir


Thorbjorn Jagland Gürcüstanda, yanvar, 2017-ci il

Avropa Şurası Rusiyaya Ukraynanın Krım vilayətinin ilhaqından sonra qoyulan sanksiyaları qaldırmağı nəzərdən keçirir. Bunu qurumun baş katibi Thorborn Jagland “The Financial Times” qəzetinə deyib.

Jagland-ın fikrincə, Avropa Şurası təmsilçiləri anlamalıdırlar ki, qurumun əsas mandatı istər Rusiyada olsun, istər Krımda, insan haqlarının müdafiəsidir.

Rusiya Avropa Şurası Parlament Assambleyasında səsvermə hüququnun bərpasını tələb edir. O, həmin hüquqdan 2015-ci ildə məhrum olub. Jagland deyir ki, əgər bu həyata keçirilməsə, Rusiya qurumdan çıxa bilər ki, bu da insan haqlarının müdafiəsinə mənfi təsir göstərər.

Baş katibin fikrincə, Avropa İnsan Haqları Konvensiyası və Avropa məhkəməsi Rusiya və onun vətəndaşları üçün vacibdir. Rusiya qurumdan çıxarsa, 140 milyon rusiyalı Strasburq məhkəməsinə çıxışdan məhrum olar.

Jagland bildirib ki, sanksiyaların qaldırılmasının nəzərdən keçirilməsi Avropa Şurasının Krımın anneksiyasını qəbul etməsi anlamına gəlmir.

Günün bütün mövzuları

XS
SM
MD
LG