Keçid linkləri

Təcili xəbərlər
2018, 19 İyul, Cümə axşamı, Bakı vaxtı 02:08

Nyu York hücumu şübhəlisinə yeni ittihamlar


Sayfullo Saipov

ABŞ-da böyük jüri ötən ay Nyu Yorkda yük maşınıyla 8 nəfəri öldürməkdə şübhəli bilinən özbək immiqranta 22 yeni ittiham irəli sürüb. İttihamlar içində qətl və İslam Dövləti (İŞİD) silahlı qruplaşmasına dəstək də var.

29 yaşlı Sayfullo Saipov-a genişləndirilmiş ittiham noyabrın 21-də açıqlanıb. O, səkkiz nəfəri öldürməkdə, 12 nəfəri öldürmək cəhdində suçlanır.

Qətl ittihamları sübuta yetirilsə, Saipov-a ölüm cəzası kəsilə bilər.

Oktyabrın 21-də Saipov kirayə götürdüyü yük maşınını velosiped cığırındakı adamların üzərinə sürüb. Bu, 2001-ci ilin 11 sentyabr terrorundan bəri Nyu Yorkda ən çox adamın öldüyü hücumdur.

Saipov-a dərhal terrorçuluq ittihamı irəli sürülsə də, prokurorların qətl və digər ittihamları verməyə sübut toplaması bir neçə həftə çəkib.

Onun vəkili, hələlik, genişləndirilmiş ittihamnaməni şərh etməyib.

Günün bütün mövzuları

XS
SM
MD
LG